Job



Job, Chapter 38


Katahi a Ihowa ka whakahoki kupu ki a Hopa i roto i te tukauati, a ka mea,


Ko wai tenei e whakapouri nei i nga whakaaro ki nga kupu kahore ona matauranga?


Tena ra, whitikiria tou hope, whakatane; ka ui hoki ahau ki a koe, a mau e whakaatu mai ki ahau.


I hea koia koe i ahau e whakatakoto ana i te turanga o te whenua? Whakaaturia mai, ki te mea e mohio ana koe ki te whakaaro.


Na wai i whakarite ona ruri? ki te mea e mohio ana koe: na wai hoki i whakamaro te aho ki runga?


I whakaukia ona turanga ki runga ki te aha? Na wai hoki i whakatakoto tona kohatu kokonga;

Tweet thisPost on Facebook

I te mea i waiata ngatahi nga whetu o te ata, a i hamama nga tama katoa a te Atua i te koa?


Na wai hoki i tutaki te moana ki te tatau, i a ia e puta mai ana, me te mea e whanau mai ana i roto i te kopu?


I ahau ra i mea ai i te kapua hei kakahu mona, i te pouri kerekere hei takai mona.

Tweet thisPost on Facebook

A whakapuakina ana e ahau taku tikanga mona, mea rawa ki nga tutaki, ki nga tatau,

Tweet thisPost on Facebook

Me taku ki atu ano, Ka taea mai e koe a konei, kati; hei konei ou ngaru whakakake mau ai?


Ko koe koia, i ou ra nei, te kaiwhakahau i te ata; nau ranei te puaotanga i mohio ai ki tona wahi;

Tweet thisPost on Facebook

Kia rurukutia e ia nga pito o te whenua, a ruperupea ake nga tangata kikino i roto?

Tweet thisPost on Facebook

Kua whiti ke, kua pera ano me te paru i te hiri: tu ake ana nga mea katoa ano he kakahu:

Tweet thisPost on Facebook

A e kaiponuhia ana to ratou marama ki te hunga kino, whati iho te ringa whakakake.

Tweet thisPost on Facebook

Kua tae atu ranei koe ki nga matapuna o te moana? Kua whakatakina haeretia ranei e koe te rire?

Tweet thisPost on Facebook

Kua whakapuaretia ranei ki a koe nga kuwaha o te mata? Kua kite ranei koe i nga kuwaha o te atarangi o te mate?

Tweet thisPost on Facebook

Kua oti ranei te whakaaro e koe te whanuitanga o te whenua? Korero mai, ki te mea e mohiotia katoatia ana e koe.

Tweet thisPost on Facebook

Kei hea te ara ki te nohoanga o te marama? Te pouri hoki, kei hea tona wahi?

Tweet thisPost on Facebook

Kia kawea atu ai e koe ki tona rohe, a mohio iho koe ki nga huarahi ki tona whare?

Tweet thisPost on Facebook

I mohio pea koe no te mea i whanau koe i taua wa, a he maha ou ra!

Tweet thisPost on Facebook

Kua tomo ranei koe ki nga takotoranga o te hukarere, kua kite ranei koe i nga takotoranga o te whatu,


I aku i rongoa ai mo te wa o te he, mo te ra o te tatauranga, o te pakanga?


Tena koa, te ara i marara atu ai te marama, i pakaru atu ai te marangai ki runga ki te whenua?

Tweet thisPost on Facebook

Na wai i wehe he awa mo te waipuke, he ara mo te uira o te whatitiri;

Tweet thisPost on Facebook

Kia ua ai ki te whenua, ki te wahi kahore nei he tangata; ki te koraha, kahore nei o reira tangata;

Tweet thisPost on Facebook

Hei whakamakona i te tuhea, i te ururua; hei mea kia pariri te tupu o te otaota hou?


He matua tane ano ranei to te ua? I whanau ranei i a wai nga pata o te tomairangi?


I puta mai i roto i to wai kopu te huka tio? Ko te huka o te rangi, he whanau tena na wai?


Me te mea he kohatu e huna ana i te wai; a whakatotoka ana te mata o te rire.

Tweet thisPost on Facebook

E taea ranei e koe te here te huihui o Matariki, e wewete ranei nga here o Tautoru?

Tweet thisPost on Facebook

E taea ranei e koe te arahi mai te Mataroto i tona wa, te taki mai ranei a Aketura ratou ko tana ropu?

Tweet thisPost on Facebook

E mohio ana ranei koe ki nga tikanga o te rangi? Mau ranei e whai mana ai ki runga ki te whenua?


E ara ranei i a koe tou reo ki nga kapua, kia nui ai nga wai hei taupoki i a koe?

Tweet thisPost on Facebook

E taea ranei e koe nga uira te unga atu, e haere ai ratou, me ta ratou ki ano ki a koe, Tenei matou?

Tweet thisPost on Facebook

Na wai i whakanoho nga whakaaro nunui ki nga wahi o roto? Na wai i homai nga mahara ki te ngakau?


Ko wai te mea whakaaro nui hei tatau i nga kapua? Ko wai hei tahoro i nga ipu o te rangi?


Ina ka papatupu te puehu ano he mea whakarewa, a ka piri nga pokuru ki a ratou ano?

Tweet thisPost on Facebook






This goes to iframe