Job



Job, Chapter 39


Mau ranei e hopu he kai ma te raiona? Mau e nui ai he oranga mo nga kuao raiona,

Tweet thisPost on Facebook

Ina tapapa iho ratou i o ratou nohoanga, ina noho i te piringa whanga ai?

Tweet thisPost on Facebook

Na wai i rite ai tana kai ma te raweni, ina tangi ana pi ki te Atua, ina kopikopiko ratou i te kore kai?


E mohiotia ana ranei e koe te wa e whanau ai nga koati mohoao o te kamaka? E kitea putia ana ranei e koe te wa e whakamamae ai nga hata?


E taua ano ranei e koe nga marama e rite ana i a ratou? E mohio ana ranei koe ki te wa e whanau ai ratou?

Tweet thisPost on Facebook

Tuohu ana ratou, kua puta mai a ratou kuao, akiritia mai ana e ratou o ratou mea whakapouri.

Tweet thisPost on Facebook

E pai ana te ahua o a ratou kuao, e tupu ana i te parae; ka haere atu ratou, a kahore e hoki mai ano.

Tweet thisPost on Facebook

Na wai i tuku te kaihe mohoao kia haere noa atu; nga here o te kaihe mohoao, na wai i wewete?


Ko te whare i whakaritea nei e ahau mona, ko te koraha: ko ona nohoanga ko te wahi titiohea.


Whakahaweatia iho e ia te ngangau o te pa; e kore ia e rongo ki te reo o te kaiakiaki.

Tweet thisPost on Facebook

Ko tona wahi kai kei te tuahiwi o nga maunga, e rapua ana e ia nga mea matomato katoa.

Tweet thisPost on Facebook

E pai ranei te unikanga kia mahi ki a koe? Kei tau takotoranga kai ranei he moenga mona?

Tweet thisPost on Facebook

E herea ranei e koe te unikanga ki tona taura i te awa parautanga? E rakarakatia ranei e ia nga raorao me tana whai ano i a koe?

Tweet thisPost on Facebook

E whakawhirinaki atu ranei koe ki a ia, no te mea e nui ana tona kaha? E whakarerea atu ranei e koe tau mahi mana?

Tweet thisPost on Facebook

E whakapono atu ranei koe mana au hua e whakahoki mai; mana e kohikohi mai ki tau patunga witi?

Tweet thisPost on Facebook

E whakamanamana ana te parirau o te otereti; otira he atawhai ano ranei ta ona hou, ta ona raukura?

Tweet thisPost on Facebook

E whakarerea ana e ia ona hua ki te whenua, whakamahanatia iho e ia ki te puehu,

Tweet thisPost on Facebook

Wareware ake ia tera pea e pepe i te waewae, e takahia ranei e te kirehe o te parae.

Tweet thisPost on Facebook

He mea pakeke ia ki ana pi me te mea ehara i a ia: ahakoa ka maumauria tana mahi, kahore ona manawapa;


No te mea i whakakahoretia e te Atua he ngakau mahara mona, kihai hoki i homai he whakaaro ki a ia.


I te wa e maranga ai ia ki runga, whakahaweatia iho e ia te hoiho raua ko tona kaieke.

Tweet thisPost on Facebook

Nau ranei i hoatu tona kaha ki tae hoiho? Nau ranei tona kaki i whakakakahu ki te huruhuru?

Tweet thisPost on Facebook

Nau ranei ia i mea kia pekepeke, kia pera me te mawhitiwhiti? He hanga whakawehi te kororia o tona whewhengu.

Tweet thisPost on Facebook

E hukari ana ia ia te raorao, me te koa ano ki tona kaha: tika tonu ia ki te hunga mau patu.


Whakahawea ana ia ki te wehi, kahore ona mataku; e kore ano ia e nunumi mai i te hoari.

Tweet thisPost on Facebook

Papa ana te papa pere ki tona taha, te tao e rarapa ana, me te timata.

Tweet thisPost on Facebook

E horomia ana e ia te whenua, me te ngangau me te riri; kahore ia i te whakapono ko te reo tera o te tetere.

Tweet thisPost on Facebook

Ka tangi ana te tetere ka mea ia, Ha, ha! I tawhiti ano ka hongia e ia te pakanga, te whatitiri o nga rangatira, me te hamama.

Tweet thisPost on Facebook

He mohio nou i rere ai te kahu, i roha ai i ona parirau, i anga ai whaka te tonga?

Tweet thisPost on Facebook

Nau te kupu i kake ai te ekara? i hanga ai e ia tana ohanga ki te wahi tiketike?


Noho ana ia i runga i te kamaka, kei reira tona kainga, kei te kamaka keokeo, kei te pa kaha.

Tweet thisPost on Facebook

A rapua ana e ia he kai i reira; e kite atu ana ona kanohi i tawhiti.

Tweet thisPost on Facebook

Horomititia ake ana hoki nga toto e ana pi; a ko te wahi i nga tupapaku,, kei reira ano ia.


Korero mai ano a Ihowa ki a Hopa, i mea,

Tweet thisPost on Facebook

E tohe ana ranei ki te Kaha Rawa te tangata whakatohutohu? Ma te tangata e whakatupehupehu ana ki te Atua, mana e korero mai.


Ano ra ko Hopa ki a Ihowa; i mea ia,


Nana, ehara noa iho ahau. Ko te aha taku e whakahoki atu ai ki a koe? Ka kopania toku ringa ki toku mangai.


Kua kotahi taku koreotanga, a e kore ahau e whakahoki kupu atu; a tuarua rawa, otira kahore atu aku.

Tweet thisPost on Facebook






This goes to iframe