Evangelium secundum Mattheum



Secundum Mattheum 22


et respondens Iesus dixit iterum in parabolis eis dicens


simile factum est regnum caelorum homini regi qui fecit nuptias filio suo

Tweet thisPost on Facebook

et misit servos suos vocare invitatos ad nuptias et nolebant venire

Tweet thisPost on Facebook

iterum misit alios servos dicens dicite invitatis ecce prandium meum paravi tauri mei et altilia occisa et omnia parata venite ad nuptias

Tweet thisPost on Facebook

illi autem neglexerunt et abierunt alius in villam suam alius vero ad negotiationem suam


reliqui vero tenuerunt servos eius et contumelia adfectos occiderunt


rex autem cum audisset iratus est et missis exercitibus suis perdidit homicidas illos et civitatem illorum succendit


tunc ait servis suis nuptiae quidem paratae sunt sed qui invitati erant non fuerunt digni


ite ergo ad exitus viarum et quoscumque inveneritis vocate ad nuptias

Tweet thisPost on Facebook

et egressi servi eius in vias congregaverunt omnes quos invenerunt malos et bonos et impletae sunt nuptiae discumbentium


intravit autem rex ut videret discumbentes et vidit ibi hominem non vestitum veste nuptiali


et ait illi amice quomodo huc intrasti non habens vestem nuptialem at ille obmutuit


tunc dixit rex ministris ligatis pedibus eius et manibus mittite eum in tenebras exteriores ibi erit fletus et stridor dentium


multi autem sunt vocati pauci vero electi


tunc abeuntes Pharisaei consilium inierunt ut caperent eum in sermone


et mittunt ei discipulos suos cum Herodianis dicentes magister scimus quia verax es et viam Dei in veritate doces et non est tibi cura de aliquo non enim respicis personam hominum


dic ergo nobis quid tibi videatur licet censum dare Caesari an non

Tweet thisPost on Facebook

cognita autem Iesus nequitia eorum ait quid me temptatis hypocritae

Tweet thisPost on Facebook

ostendite mihi nomisma census at illi obtulerunt ei denarium

Tweet thisPost on Facebook

et ait illis Iesus cuius est imago haec et suprascriptio

Tweet thisPost on Facebook

Подајте ћесарево ћесару

dicunt ei Caesaris tunc ait illis reddite ergo quae sunt Caesaris Caesari et quae sunt Dei Deo


et audientes mirati sunt et relicto eo abierunt


in illo die accesserunt ad eum Sadducaei qui dicunt non esse resurrectionem et interrogaverunt eum


dicentes magister Moses dixit si quis mortuus fuerit non habens filium ut ducat frater eius uxorem illius et suscitet semen fratri suo


erant autem apud nos septem fratres et primus uxore ducta defunctus est et non habens semen reliquit uxorem suam fratri suo

Tweet thisPost on Facebook

similiter secundus et tertius usque ad septimum

Tweet thisPost on Facebook

novissime autem omnium et mulier defuncta est

Tweet thisPost on Facebook

in resurrectione ergo cuius erit de septem uxor omnes enim habuerunt eam

Tweet thisPost on Facebook

respondens autem Iesus ait illis erratis nescientes scripturas neque virtutem Dei


in resurrectione enim neque nubent neque nubentur sed sunt sicut angeli Dei in caelo


de resurrectione autem mortuorum non legistis quod dictum est a Deo dicente vobis

Tweet thisPost on Facebook

ego sum Deus Abraham et Deus Isaac et Deus Iacob non est Deus mortuorum sed viventium


et audientes turbae mirabantur in doctrina eius


Pharisaei autem audientes quod silentium inposuisset Sadducaeis convenerunt in unum

Tweet thisPost on Facebook

et interrogavit eum unus ex eis legis doctor temptans eum

Tweet thisPost on Facebook

magister quod est mandatum magnum in lege

Tweet thisPost on Facebook

Највећа заповест

ait illi Iesus diliges Dominum Deum tuum ex toto corde tuo et in tota anima tua et in tota mente tua


hoc est maximum et primum mandatum

Tweet thisPost on Facebook

secundum autem simile est huic diliges proximum tuum sicut te ipsum


in his duobus mandatis universa lex pendet et prophetae


congregatis autem Pharisaeis interrogavit eos Iesus


dicens quid vobis videtur de Christo cuius filius est dicunt ei David


ait illis quomodo ergo David in spiritu vocat eum Dominum dicens


dixit Dominus Domino meo sede a dextris meis donec ponam inimicos tuos scabillum pedum tuorum


si ergo David vocat eum Dominum quomodo filius eius est

Tweet thisPost on Facebook

et nemo poterat respondere ei verbum neque ausus fuit quisquam ex illa die eum amplius interrogare








This goes to iframe