Evangelium secundum Iohannem



 


in principio erat Verbum et Verbum erat apud Deum et Deus erat Verbum


hoc erat in principio apud Deum


omnia per ipsum facta sunt et sine ipso factum est nihil quod factum est


in ipso vita erat et vita erat lux hominum

Tweet thisPost on Facebook

et lux in tenebris lucet et tenebrae eam non conprehenderunt


fuit homo missus a Deo cui nomen erat Iohannes


hic venit in testimonium ut testimonium perhiberet de lumine ut omnes crederent per illum

Tweet thisPost on Facebook

non erat ille lux sed ut testimonium perhiberet de lumine


erat lux vera quae inluminat omnem hominem venientem in mundum


in mundo erat et mundus per ipsum factus est et mundus eum non cognovit


in propria venit et sui eum non receperunt


quotquot autem receperunt eum dedit eis potestatem filios Dei fieri his qui credunt in nomine eius


qui non ex sanguinibus neque ex voluntate carnis neque ex voluntate viri sed ex Deo nati sunt


et Verbum caro factum est et habitavit in nobis et vidimus gloriam eius gloriam quasi unigeniti a Patre plenum gratiae et veritatis


Iohannes testimonium perhibet de ipso et clamat dicens hic erat quem dixi vobis qui post me venturus est ante me factus est quia prior me erat


et de plenitudine eius nos omnes accepimus et gratiam pro gratia


quia lex per Mosen data est gratia et veritas per Iesum Christum facta est


Deum nemo vidit umquam unigenitus Filius qui est in sinu Patris ipse enarravit


et hoc est testimonium Iohannis quando miserunt Iudaei ab Hierosolymis sacerdotes et Levitas ad eum ut interrogarent eum tu quis es


et confessus est et non negavit et confessus est quia non sum ego Christus


et interrogaverunt eum quid ergo Helias es tu et dicit non sum propheta es tu et respondit non


dixerunt ergo ei quis es ut responsum demus his qui miserunt nos quid dicis de te ipso

Tweet thisPost on Facebook

ait ego vox clamantis in deserto dirigite viam Domini sicut dixit Esaias propheta


et qui missi fuerant erant ex Pharisaeis

Tweet thisPost on Facebook

et interrogaverunt eum et dixerunt ei quid ergo baptizas si tu non es Christus neque Helias neque propheta

Tweet thisPost on Facebook

respondit eis Iohannes dicens ego baptizo in aqua medius autem vestrum stetit quem vos non scitis


ipse est qui post me venturus est qui ante me factus est cuius ego non sum dignus ut solvam eius corrigiam calciamenti


haec in Bethania facta sunt trans Iordanen ubi erat Iohannes baptizans

Tweet thisPost on Facebook

altera die videt Iohannes Iesum venientem ad se et ait ecce agnus Dei qui tollit peccatum mundi


hic est de quo dixi post me venit vir qui ante me factus est quia prior me erat


et ego nesciebam eum sed ut manifestaretur Israhel propterea veni ego in aqua baptizans

Tweet thisPost on Facebook

et testimonium perhibuit Iohannes dicens quia vidi Spiritum descendentem quasi columbam de caelo et mansit super eum


et ego nesciebam eum sed qui misit me baptizare in aqua ille mihi dixit super quem videris Spiritum descendentem et manentem super eum hic est qui baptizat in Spiritu Sancto


et ego vidi et testimonium perhibui quia hic est Filius Dei


altera die iterum stabat Iohannes et ex discipulis eius duo

Tweet thisPost on Facebook

et respiciens Iesum ambulantem dicit ecce agnus Dei

Tweet thisPost on Facebook

et audierunt eum duo discipuli loquentem et secuti sunt Iesum

Tweet thisPost on Facebook

conversus autem Iesus et videns eos sequentes dicit eis quid quaeritis qui dixerunt ei rabbi quod dicitur interpretatum magister ubi habitas

Tweet thisPost on Facebook

dicit eis venite et videte venerunt et viderunt ubi maneret et apud eum manserunt die illo hora autem erat quasi decima

Tweet thisPost on Facebook

erat autem Andreas frater Simonis Petri unus ex duobus qui audierant ab Iohanne et secuti fuerant eum


invenit hic primum fratrem suum Simonem et dicit ei invenimus Messiam quod est interpretatum Christus

Tweet thisPost on Facebook

et adduxit eum ad Iesum intuitus autem eum Iesus dixit tu es Simon filius Iohanna tu vocaberis Cephas quod interpretatur Petrus

Tweet thisPost on Facebook

in crastinum voluit exire in Galilaeam et invenit Philippum et dicit ei Iesus sequere me

Tweet thisPost on Facebook

erat autem Philippus a Bethsaida civitate Andreae et Petri


invenit Philippus Nathanahel et dicit ei quem scripsit Moses in lege et prophetae invenimus Iesum filium Ioseph a Nazareth


et dixit ei Nathanahel a Nazareth potest aliquid boni esse dicit ei Philippus veni et vide


vidit Iesus Nathanahel venientem ad se et dicit de eo ecce vere Israhelita in quo dolus non est

Tweet thisPost on Facebook

dicit ei Nathanahel unde me nosti respondit Iesus et dixit ei priusquam te Philippus vocaret cum esses sub ficu vidi te

Tweet thisPost on Facebook

respondit ei Nathanahel et ait rabbi tu es Filius Dei tu es rex Israhel


respondit Iesus et dixit ei quia dixi tibi vidi te sub ficu credis maius his videbis

Tweet thisPost on Facebook

et dicit ei amen amen dico vobis videbitis caelum apertum et angelos Dei ascendentes et descendentes supra Filium hominis







This goes to iframe