Psalms

Psalm 106

Whakamoemititia a Ihowa. Whakawhetai ki a Ihowa; he pai hoki ia: he pumau tonu hoki tana mahi tohu.

Иса.:63:7 Мат.:19:17

Me wai e korero nga mahi nunui a Ihowa: e whakakite katoa nga whakamoemiti ki a ia?

Псал.:9:14 Псал.:40:5

Ka hari te hunga e mau ana ki te whakarite tika; me te kaimahi i te tika i nga wa katoa.

Псал.:15:2 Јер.:22:15 Мат.:22:37 Дела:24:16 Гал.:6:9

Maharatia mai ahau, e Ihowa, kia rite ki tau manako ki tau iwi: tirotirohia mai ahau i runga i tau whakaoranga.

Kia kite ai ahau i te pai o au i whiriwhiri ai: kia koa ai, koa tahi me tau iwi; kia whakamanamana tahi ai me tou kainga tupu.

Kua hara tahi matou me o matou matua, kua mahi matou i te kino, i te mea he.

3 Мој:26:40 1 Цар:8:47 Дан.:9:5 Зах.:1:4

Kihai o matou matua i mohio ki au mea whakamiharo i Ihipa, kihai hoki i mahara ki te tini o au arohatanga; engari ia i whakatoi ratou ki a koe i te moana, ae, i te Moana Whero.

Otira whakaorangia ana ratou e ia, he whakaaro ki tona ingoa, kia matauria ai tona kaha.

Ис.Н.:7:9 Псал.:43:11 Јер.:14:7 Јер.:14:21 Језек.:36:22

I riria ano e ia te Moana Whero, a kua maroke: na arahina ana ratou e ia i nga rire, ano ko waenga koraha.

2 Мој:14:21 Псал.:4:7 Иса.:63:11 Наум:1:4

Na whakaorangia ake ratou e ia i te ringa o te tangata i kino ki a ratou; a hokona ana ratou i roto i te ringa o te hoariri.

A taupokina ana e nga wai o ratou hoariri, hore rawa tetahi morehu.

Na whakapono ana ratou ki ana kupu: a waiata ana i te whakamoemiti ki a ia.

Hohoro tonu to ratou wareware ki ana mahi: kihai i taria e ratou tona whakaaro:

Engari i whakaputa nui i o ratou hiahia i te tahora; whakamatautau ana ratou i te Atua i te koraha.

Na ka hoatu e ia ta ratou i inoi ai; otira i tukua atu e ia te hiroki ki to ratou wairua.

Иса.:10:16

I hae hoki ratou ki a Mohi i te puni, ki a Arona ano, ki te tangata tapu a Ihowa.

4 Мој.:16:1

Ko te hamamatanga o te whenua, na horomia ana a Ratana; a taupokina iho te ropu o Apirama.

A mura ana te ahi i to ratou ropu; wera ana i te mura te hunga kino.

I hanga e ratou he kuao kau ki Horepa, a koropiko ana ki te whakapakoko i whakarewaina.

2 Мој:32:4

Koia i whitia ai e ratou to ratou kororia mo te mea i rite ki te puru kai tarutaru.

Јер.:2:11 Дан.:4:25 Рим.:1:23

Wareware ake i a ratou te Atua, to ratou kaiwhakaora, i mahi nei i nga mea nunui ki Ihipa.

I nga mahi whakamiharo ki te whenua o Hama, i nga mea whakamataku ki te Moana Whero.

Na ka mea ia, kia whakangaromia ratou, me i kaua a Mohi, tana i whiriwhiri ai, te tu ki tona aroaro i te takiwa, hei papare ake i tona riri, kei huna ratou e ia.

2 Мој:32:10 4 Мој.:14:13 5 Мој.:9:19 Језек.:13:5 Језек.:20:13 Језек.:22:30

Ae ra, i whakahawea ratou ki te whenua ahuareka; kihai ratou i whakapono ki tana kupu;

4 Мој.:14:31 Јевр.:3:18

Heoi amuamu ana i roto i o ratou teneti, kihai i whakarongo ki te reo o Ihowa.

Na reira ka ara tona ringa ki a ratou, ki te turaki i a ratou i te koraha;

Ki te turaki i o ratou uri i roto i nga iwi: ki te whakamarara i a ratou ki nga whenua.

I whakauru atu hoki ratou ki a Paarapeoro: a kai ana i nga patunga tapu ma nga mea mate.

4 Мој.:25:2 5 Мој.:4:3 Ос.:9:10 Откр.:2:14

Koia i whakapataritari ai ratou i a ia ki a ratou hanga kia riri; a pakaru ana mai te mate uruta ki a ratou.

Na ko te whakatikanga ake o Pinehaha, ki te whakaputa whakawa: a mutu iho te mate.

I kiia ai ia he tika i nga whakatupuranga katoa ake ake.

I whakapataritari ano ratou i a ia ki nga wai o Meripa; na hemanawa ana a Mohi mo ratou:

5 Мој.:1:37

Na ratou hoki i whakatoi tona wairua, i he ai te kupu a ona ngutu.

4 Мој.:20:10 Јаков:3:2

Kihai ratou i whakangaro i nga iwi i kiia nei e Ihowa ki a ratou;

4 Мој.:33:55 5 Мој.:7:2 Суд.:1:21 Суд.:2:2

Heoi uru ana ki roto ki nga tauiwi, a ako ana i a ratou mahi.

Суд.:3:5 Иса.:2:6

I mahi hoki ratou ki a ratou whakapakoko, i mahangatia ai ratou.

2 Мој:23:33 5 Мој.:7:10 Суд.:2:12 2 Цар:17:8 2 Дн.:33:2

Ae, i patua e ratou a ratou tama me a ratou tamahine ma nga atua maori;

5 Мој.:12:30 Иса.:57:5 Језек.:16:20

I whakahekea hoki te toto harakore, nga toto o a ratou tama, o a ratou tamahine, i patua nei e ratou ma nga whakapakoko o Kanaana; a poke iho te whenua i te toto.

4 Мој.:35:33

Na poke iho ratou i a ratou mahi: a puremu ana ki a ratou mahi.

Koia i mura ai te riri o Ihowa ki tana iwi; a whakarihariha ana ia ki tona kainga tupu.

A tukua ana ratou e ia ki te ringa o nga tauiwi; waiho ana te hunga i kino ki a ratou hei rangatira mo ratou.

Суд.:2:14 Нем.:9:27 Језек.:11:9

Na ka tukinotia ratou e o ratou hoariri: ka pehia ki raro i o ratou ringa.

He maha ana whakaoranga i a ratou: ko ratou ia i whakatoi ki a ia i o ratou whakaaro, a whakaititia ana i ta ratou kino.

Ahakoa ra, i titiro ia ki to ratou matenga, i tona rongonga i ta ratou tangi:

Суд.:10:10

I mahara hoki ia ki tana kawenata ki a ratou, a rite tonu ki te tini o ana mahi aroha te putanga ketanga o ona whakaaro:

3 Мој:26:41 Псал.:35:14 Плач:3:32

I meinga hoki ratou e ia kia arohaina e te hunga katoa i whakaraua atu ai ratou.

Језд.:9:9 Јер.:42:12 Дан.:1:9

Whakaorangia matou, e Ihowa, e to matou Atua, kohikohia matou i roto i nga tauiwi: kia whakawhetai ai ki tou ingoa tapu, kia whakamanamana ai ki tou whakamoemiti.

Псал.:92:4 Лука:1:74 2 Кор.:5:15

Kia whakapaingia a Ihowa, te Atua o Iharaira, i tua whakarere ano, a ake ake. A kia mea katoa te iwi, Amine. Whakamoemititia a Ihowa.