Psalms

He waiata; he pikitanga. Ka hari nga tangata katoa e wehi ana i a Ihowa: e haere ana i ana ara.

E kai hoki koe i te mahinga a ou ringa: e hari koe, a ka tau te pai ki a koe.

E rite tau wahine ki te waina hua, i roto rawa i tou whare: au tamariki ki nga mahuri oriwa, i nga taha o tau tepu.

Na he pera te manaaki mo te tangata e wehi ana i a Ihowa.

Ka Manaakitia koe e Ihowa i Hiona; a e kite koe i te pai o Hiruharama i nga ra katoa e ora ai koe.

Ae, e kite koe i nga tamariki a au tamariki. Kia mau te rongo ki a Iharaira.