Job

Job, Chapter 14

Ko te tangata i whanau i te wahine, he torutoru ona ra; ki tonu ano i te raruraru.

Јов:15:14 Псал.:51:5 Проп.:2:23

Ano he puawai ia e puta mai ana, e kotia iho ana: rere ana ia, ano he atarangi, kahore hoki he tumautanga.

Псал.:90:6 Иса.:40:6 Јаков:1:10 1 Пет.:1:24

E titiro mai ano ranei ou kanohi ki te penei? E mea ranei koe i ahau kia whakawa taua ki a taua?

Псал.:43:2 Псал.:44:3

Ko wai hei homai i te mea ma i roto i te mea poke? Hore rawa.

1 Мој:5:3 Псал.:51:5 Јован:3:5 Рим.:5:12 Ефес:2:3

Kua rite na hoki nga ra mona: kei a koe te maha o ona marama; takoto rawa i a koe te tikanga mona, a e kore ia e whiti ki tua.

Псал.:31:15 Иса.:38:1

Tahuri ke atu te titiro i a ia, kia ai ona pariratanga, kia ata tutuki ai tona ra, kia rite ai ki o te kaimahi.

Псал.:39:13

Ka ai hoki he whakaaronga ki te rakau i tapahia, tera ano e pariri, e kore ano hoki e mutu te wana o tona pihi.

Дан.:4:15

Ahakoa kua tawhitotia tona pakiaka a ki te whenua, a kua mate tona tinana i roto i te oneone;

Heoi ma te haunga o te wai ka pihi, ka kokiri ona peka ano ko ta te mea tupu.

Ko te tangata ia, mate iho, marere noa iho; ae, ka hamo te tangata, a kei hea ia?

Pera i nga wai e he mai nei i te moana, i te awa e mimiti ana, ka maroke;

E pera ana ano te tangata, e takoto ana a kahore he whakatikanga ake: kahore he marangatanga ake mo ratou, a kia kore ra ano nga rangi; e kore ano ratou e ara i to ratou moe.

Псал.:2:26 Иса.:51:6 Дела:3:21 Рим.:8:20 2 Пет.:3:7 Откр.:20:11

Aue, kia huna noatia oti ahau e koe ki te po, kia waihotia noatia iho ahau e koe kia ngaro ana, kia hoki ra ano tou riri; kia rohea noatia mai e koe tetahi wa moku, a ka mahara mai ai ano ki ahau!

Јов:6:8

Ki te mate te tangata, e ora ano ranei ia? Ka tatari ahau i nga ra katoa o toku ngananga, kia tae mai ra ano he whakaputanga moku.

Јов:13:15 Псал.:16:10 1 Кор.:15:42 1 Кор.:15:56 Филиб.:3:21

Mau e karanga, kia whakao atu ai ahau; kahore hoki e kore ka matenui koe ki te mahi a ou ringa.

1 Дн.:4:16 Јов:13:22 Псал.:50:4 Јован:5:28

Inaianei hoki e taua ana e koe oku hikoinga; he teka ianei e matatau tonu mai ana koe ki toku hara?

5 Мој.:32:34 Јов:10:6 Јов:10:14 Јов:13:27

Hiri rawa toku he ki roto ki te putea, tuitui rawa e koe toku kino.

5 Мој.:32:34 Ос.:13:12

He pono ko te maunga e horo ana e memeha noa ake ana, e nekehia ana te toka i tona wahi;

E ngau ana te wai i nga kohatu; ma tona puhaketanga e horoi atu te puehu o te whenua; a whakangaromia iho e koe te tumanako a te tangata.

Taea ana ia e koe ake tonu atu, a pahure ana ia; puta ke ana i a koe tona mata, a tonoa atu ana ia kia haere.

Ko te whakahonoretanga o ana tama, kahore e mohiotia e ia; ka hoki iho ratou hei ware, heoi kahore tetahi aha o ratou e maharatia e ia.

1 Сам.:4:20 Псал.:39:6 Проп.:9:5 Иса.:63:16

E mamae ano ia te kikokiko o tona tinana, a ka tangi tona wairua i roto i a ia.

Псал.:49:14 Приче:14:32 Мат.:8:12