Psalms

Psalm 26

Na Rawiri. Whakawakia ahau, e Ihowa, kua haere nei hoki ahau i te tapatahitanga o toku ngakau: kua whakawhirinaki ano ki a Ihowa, na, e kore e paheke.

Псал.:7:8 Псал.:28:7 Приче:29:25

Tirohia iho ahau, e Ihowa, whakamatauria ahau, kia kitea oku whatumanawa me toku ngakau.

Kei mua hoki tou atawhai i oku kanohi; kua haere nei ahau i tou pono.

Kahore ahau i noho tahi ki nga tangata horihori; e kore ano ahau e tomo tahi me nga tangata tinihanga.

Псал.:1:1 Јер.:15:17

Kino tonu ahau ki te whakaminenga o nga kaimahi i te he, e kore ano ahau e noho tahi ki te hunga kino.

Псал.:1:1 Псал.:5:5 Псал.:15:4 Псал.:31:6 Псал.:39:22

Ka horoia e ahau oku ringa ki te harakore, ka taiawhio ai i tau aata, e Ihowa;

2 Мој:30:19 Псал.:73:13 1 Тим.:2:8

A ka rangona toku reo e whakamoemiti ana, e whakapuaki ana i au mahi whakamiharo katoa.

E Ihowa, kua aroha nei ahau ki tou whare nohoanga, ki te wahi e nohoia ana e tou kororia.

1 Сам.:4:22 Псал.:29:9 Мат.:23:21

Kei huia toku wairua ki roto ki te hunga hara, me toku ora ki roto ki te hunga toto.

Псал.:28:3

He mahi nanakia hoki ta o ratou ringa; ki tonu o ratou matau i te utu whakapati.

Ko ahau ia, ka haere i runga i toku tapatahi: hokona ahau, tohungia hoki ahau.

E tu ana toku waewae i te wahi tika: ka whakapaingia a Ihowa e ahau i roto i nga whakaminenga.