Psalms



Psalm 37


Na Rawiri. Kaua e mamae ki te hunga kino, kaua e hae ki nga kaimahi i te he.


No te mea ka hohoro ratou te kotia, te peratia me te tarutaru, a ka memenga me he otaota hou.


Whakawhirinaki ki a Ihowa, mahia te pai; e noho ki te whenua, a e aru i muri i te pono.


Whakaahuareka ki a Ihowa, a ka homai e ia ki a koe ta tou ngakau i hiahia ai.


Tukua tou ara ki a Ihowa; whakawhirinaki hoki ki a ia, a mana e mahi.

Tweet thisPost on Facebook

Mana hoki e whakaputa tou tika, ano he marama, ou ritenga me te mea ko te ra e tu ana.


Okioki ki a Ihowa, tatari marie ki a ia: kei mamae ki te tangata e tere ana i tona ara, ki te tangata e taea ana e ia nga whakaaro kino.

Tweet thisPost on Facebook

Kati te riri, whakarerea hoki te arita; kei mamae koe, kei takina kia mahi i te kino.


No te mea ka hatepea atu te hunga kino: ko te hunga ia e tatari ana ki a Ihowa, ka riro i a ratou te whenua.

Tweet thisPost on Facebook

Kia potopoto ake nei hoki, a ka kore noa iho te hunga kino: ae ra, ka ata tirohia e koe tona wahi, a kore kau noa iho ia.

Tweet thisPost on Facebook

Na ka riro te whenua i te hunga mahaki; a ka hari ratou i te roa o te ata noho.

Tweet thisPost on Facebook

E whakangarahu ana te tangata kino mo te tangata tika: pakiri ana ona niho ki a ia.

Tweet thisPost on Facebook

Ka kata te Ariki ki a ia, no te mea ka kite ia e tata ana tona ra.


Kua unuhia te hoari e te hunga kino, kua piko ta ratou kopere, hei turaki i te ware, i te rawakore, hei kohuru i te hunga e tika ana, i te ara.

Tweet thisPost on Facebook

Ka tapoko ta ratou hoari ki o ratou ngakau: a ka whatiia a ratou kopere.


Engari te wahi iti a te tangata tika i nga taonga o nga tangata kino tokomaha.


Ka whatiia hoki nga ringa o te hunga kino: u tonu ia i a Ihowa te hunga tika.


E matau ana a Ihowa ki nga ra o te hunga tika: a ka pumau to ratou kainga ake ake.


E kore ratou e whakama i te wa o te he, ka makona ano ratou i nga ra o te hemokai.


Ka ngaro ia te hunga kino, a ka rite nga hoariri o Ihowa ki te momona o te tarutaru: ka mahea atu ratou; ka mahea atu me he paowa.


E tango ana te tangata kino i te taonga tarewa, kahore hoki ana utu: ko te tangata tika ia he aroha tona, he homai.

Tweet thisPost on Facebook

Ka riro hoki te whenua i ana e manaaki ai; ka hatepea ano ana e kanga ai.


Ka u i a Ihowa nga hikoinga o te tangata tika; e paingia ana hoki e ia tona ara.


Ahakoa hinga, e kore e tino takoto rawa; ka u hoki ia i te ringa o Ihowa.


He tamariki ahau i mua, a kua koroheke nei, heoi, kahore ahau i kite i te tangata tika e whakarerea ana, i ona uri hoki e pinono taro ana.

Tweet thisPost on Facebook

I te ra roa he atawhai tonu tana, he ohaoha: ka manaakitia hoki ona uri.

Tweet thisPost on Facebook

Whakarerea te kino, mahia te pai, ka noho tonu ai.

Tweet thisPost on Facebook

E aroha ana hoki a Ihowa ki te ritenga pai: e kore ano e whakarere i tana hunga tapu; e tiakina tonutia ana ratou ake ake; ka hatepea atu ia nga uri o te hunga kino.


Ka riro te whenua i te hunga tika, ka nohoia hoki a reira e ratou ake ake.

Tweet thisPost on Facebook

He kupu mohio ta te mangai o te tangata tika; he ritenga pai ta tona arero e korero ai.

Tweet thisPost on Facebook

Kei tona ngakau te ture a tona Atua; e kore e paheke tetahi o ona hikoinga.

Tweet thisPost on Facebook

E tau ana te titiro a te tangata kino ki te tangata tika, a e whai ana kia whakamatea ia.

Tweet thisPost on Facebook

E kore a Ihowa e whakarere i a ia ki tona ringa: e kore ano ia e whakatau he ki a ia ina whakawakia.


Taria a Ihowa, kia mau ki tana ara, a ka whakanuia koe e ia, ka whakawhiwhia hoki ki te whenua: e hatepea atu te hunga kino, ka kite koe.


I kite ahau i te tangata kino e kake ana, e tautorotoro ana me te rakau matomato i tona oneone tupu.


Heoi, pahure noa ake tetahi, a kore kau noa iho; ae, i rapua ia e ahau, a kihai i kitea.


Waitohutia te tangata tika, tirohia iho te tangata kore he: no te mea he marie te tukunga iho ki taua tangata.


Tena ko te hunga kino, ka ngaro ngatahi atu ratou: te tukunga iho ki te hunga kino, ka hatepea atu ratou.

Tweet thisPost on Facebook

Na Ihowa ia te whakaoranga o te hunga tika: ko ia to ratou pa kaha i te wa o te he.


Ma Ihowa ratou e awhina, ko ia hoki hei tauarai mo ratou: ko ia hei tauarai mo ratou i te hunga kino, ka whakaorangia ratou e ia, mo ratou ka whakawhirinaki ki a ia.







This goes to iframe