Psalms

Psalm 72

Na Horomona. Homai, e te Atua, au whakaritenga ki te kingi, me tou tika ki te tama a te kingi.

1 Дн.:29:19

Mana e whakawa tou iwi i runga i te tika, au rawakore i runga i te whakawa tika.

Иса.:11:2

Ka kawea mai e nga maunga te rongo mau ki te iwi, e nga pukepuke i runga i te tika.

Ka whakawa ia mo nga ware o te iwi: ka whakaorangia e ia nga tamariki a te rawakore; mongamonga noa i a ia te kaitukino.

I te ra e mau ana, i te marama hoki, ka pera te mau o to ratou wehi ki a koe i nga whakatupuranga katoa.

E heke iho ia ano he ua ki runga ki te kotinga tarutaru, me nga ua e whakamakuku nei i te whenua.

2 Сам.:23:4 Ос.:6:3

Ka tupu te tangata tika i ona ra: tona roa ano o te ata noho, a kore noa te marama.

Иса.:2:4 Језек.:21:32 Дан.:2:44 Лука:1:33

Ka kingi ia i tenei moana, a tae noa ki tetahi moana, i te awa, a nga pito atu ano o te whenua.

1 Мој:49:10 2 Мој:23:31 1 Цар:4:21 1 Цар:4:24 Псал.:2:8 Псал.:80:11 Језек.:48:35 Зах.:9:10

Ka piko ki tona aroaro te hunga o te koraha: a ka mitimiti ona hoariri i te puehu.

2 Сам.:22:45

Ka maua mai he hakari e nga kingi o Tarahihi, o nga motu: ka kawea mai he tahua e nga kingi o Hepa, o Tepa.

Иса.:23:15 Иса.:23:18 Иса.:49:7

Ae, ka koropiko nga kingi katoa ki a ia: ka mahi nga iwi katoa ki a ia.

Псал.:38:4

Ka ora hoki i a ia te rawakore ua tangi atu, te ware hoki me te tangata kahore nei ona kaiawhina.

E tohu ia i te tangata iti, i te rawakore; ka ora ano i a ia nga wairua o nga rawakore.

Ka hokona e ia to ratou wairua i roto i te tukino, i te tutu, he mea utu nui hoki o ratou toto ki tana titiro.

A e ora ratou; ka hoatu ano ki a ia he koura no Hepa: ka tukua tonutia hoki te inoi mona; ka whakapaingia ia i tenei ra, i tenei ra.

Мат.:6:10 1 Кор.:1:2

He kutanga witi tera i runga i te whenua, i te tihi o nga maunga; ngarue ana ona hua, ano ko Repanona, a ka rite te tupu o nga tangata o te pa ki to te tarutaru o te whenua.

1 Цар:4:20 Језек.:17:22

Ka mau tonu tona ingoa ake ake; ka rite tona ingoa ki te ra te pumau: kei roto i a ia te manaaki mo te tangata; ka korerotia tona koa e nga iwi katoa.

1 Мој:12:3 Иса.:45:23 Јер.:4:2 Лука:1:48 Филиб.:2:9

Kia whakapaingia a Ihowa, te Atua, te Atua o Iharaira: ko ia nei anake hei mahi i nga mahi whakamiharo;

1 Дн.:29:10 Јоило:2:26

Kia whakapaingia ano tona ingoa kororia mo ake tonu atu; kia ki katoa hoki te whenua i tona kororia. Amine, ae Amine.

Иса.:6:4

Ko te mutunga tenei o nga inoi a Rawiri, a te tama a Hehe.