Mark

Mark, Chapter 13

A, i a ia e haere atu ana i te temepara, ka mea tetahi o ana akonga ki a ia, E te Kaiwhakaako, nana, te tu o nga kohatu, te tu o nga whare!

Мат.:24:1 Лука:21:5

Na ka whakahoki a Ihu, ka mea ki a ia, Ka kite koe i enei whare nunui? e kore tetahi kohatu e waiho i konei i runga ake i tetahi kohatu, engari ka whakahoroa.

Лука:19:44

A, i a ia e noho ana i runga i Maunga Oriwa i te ritenga atu o te temepara, ka ui puku ki a ia a Pita, a Hemi, a Hoani, a Anaru,

Korerotia mai ki a matou, ko ahea enei mea, a he aha te tohu ina tata enei mea katoa te rite?

Лука:21:7

Na ka anga ia, ka korero ki a ratou, Kia tupato kei mamingatia koutou e te tangata:

Јер.:29:8 Ефес:5:6

He tokomaha hoki e haere mai i runga i toku ingoa, e mea, Ko ahau ia; a he tokomaha e mamingatia.

E rongo koutou ki nga pakanga, ki nga hau pakanga, kei ohorere: kua takoto hoki he putanga mo aua mea; taihoa rawa ia te mutunga.

Јер.:4:27 Јер.:5:10

Ka whakatika hoki tetahi iwi ki tetahi iwi, tetahi rangatiratanga ki tetahi rangatiratanga: a he tini nga wahi e puta ai he ru; ka puta ano hoki he po matekai: ko te timatanga enei o nga mamae.

Na, kia tupato ki a koutou: ka tukua hoki koutou ki nga runanga; ka whiua koutou i roto i nga whare karakia; a ka whakaturia koutou ki te aroaro o nga kawana, o nga kingi, mo te whakaaro ki ahau, hei mea whakaatu ki a ratou.

Мат.:10:17 Откр.:2:10

Kua takoto ia te tikanga kia matua kauwhautia te rongopai ki nga tauiwi katoa.

Мат.:24:14 Рим.:10:18

Ina arahina koutou ki te whakawa, a ka tukua atu, kaua e manukanuka wawe ki ta koutou e korero ai: engari ko te mea e hoatu ki a koutou i taua haora, ko tena ta koutou e korero ai: ehara hoki i te mea ma koutou nga korero, engari ma te Wairua Ta pu.

2 Мој:24:12 Лука:12:11 Лука:21:14 Дела:2:4 Дела:4:8 Дела:4:31

Na ka tukua te tuakana e te teina ki te mate, te tamaiti hoki e te papa; a ka whakatika nga tamariki ki nga matua, ka mea kia whakamatea.

Мих.:7:6 Мат.:10:21 Мат.:24:10 Лука:21:16

A ka kinongia koutou e nga tangata katoa, he mea mo toku ingoa: ko te tangata ia e u ana a taea noatia te mutunga, ko ia e ora.

Дан.:12:12 2 Тим.:4:7 Јевр.:3:6 Јевр.:3:14 Откр.:2:7 Откр.:2:10 Откр.:3:10

A, ki te kite koutou i te mea whakarihariha, i te mea whakangaro e tu ana i te wahi e kore e tika, kia matau te kaititiro pukapuka, ko reira me rere te hunga i Huria ki nga maunga:

Дан.:9:27 Мат.:24:15 Лука:21:21

Ko te tangata hoki i runga i te whare kaua e heke iho ki roto ki te whare, kaua hoki e tomo ki te tiki i tetahi mea i roto i tona whare:

Лука:17:31

Kaua ano te tangata i te mara e hoki ki muri, ki te tiki i tona kakahu.

Aue te mate mo te hunga e hapu ana, mo nga mea hoki e whangai ana ki te u, i aua ra!

Лука:23:29

Ma koutou ia e inoi kei rokohanga koutou e te whati i te hotoke.

He whakapawera hoki aua ra, kahore ona rite o te orokohanganga ra ano i hanga nei e te Atua, a mohoa noa nei, kahore hoki he pera a muri ake nei.

5 Мој.:28:15 Дан.:9:12 Дан.:9:26 Дан.:12:1 Јоило:2:2

Me i kahore hoki aua ra i poroa i waenga e te Ariki, e kore tetahi kikokiko e ora: otira ka whakaaroa te hunga whiriwhiri i whiriwhiria e ia, a poroa ana aua ra i waenga.

Ki te mea tetahi ki a koutou i reira, Na, tenei a te Karaiti; Na, tera: kaua e whakaponohia:

5 Мој.:13:1 Мат.:24:5 Мат.:24:23 Лука:17:23 Лука:21:8

E whakatika hoki nga Karaiti teka, me nga poropiti teka, ka whakaatu i nga tohu me nga mea whakamiharo, a me i taea, ka mamingatia e ratou te hunga whiriwhiri.

Мат.:24:24 Јован:10:27 Рим.:8:28 Рим.:8:37 2 Сол.:2:8 1 Пет.:1:5 1 Јов.:2:26

Kia tupato ra koutou: na, kua korerotia wawetia nei e ahau nga mea katoa ki a koutou.

Мат.:7:15 Лука:21:8 2 Пет.:3:17

Na, i aua ra, i muri iho i taua whakapawera, ka whakapouritia te ra, e kore hoki e titi te atarau.

Дан.:7:10 Јоило:2:31 Соф.:1:15 Лука:21:25 Дела:2:20

Ka taka iho nga whetu o te rangi, ka ngaueue nga mea kaha o nga rangi.

Na ko reira kitea ai te Tama a te tangata e haere mai ana i runga i nga kapua, me te kaha nui, me te kororia.

Дан.:7:13 Мат.:16:27 Мат.:24:30 Мар.:8:38 Мар.:14:62 Дела:1:11 1 Сол.:4:16 2 Сол.:1:7 Откр.:1:7

Ko reira ano ia tono ai i ana anahera, a ka huihuia ana i whiriwhiri ai i nga hau e wha, i te pito o te whenua tae noa ki te pito o te rangi.

2 Сол.:2:2

Na kia akona koutou e te piki ki tetahi kupu whakarite: I tona manga e ngawari ana, e puta ana hoki nga rau, ka mohio koutou ka tata te raumati:

Waihoki ko koutou, ina kite i enei mea e pauta mai ana, ka matau ka tata ia, kei nga kuwaha.

He pono taku e mea nei ki a koutou, E kore tenei whakatupuranga e pahemo, kia puta ra ano enei mea katoa.

Ko te rangi me te whenua e pahemo: ko aku kupu ia e kore e pahemo.

4 Мој.:23:19 Ис.Н.:23:14 Псал.:2:26 Иса.:40:8 Иса.:51:6

Otiia kahore tetahi tangata e matau ki taua ra, ki taua haora, kahore nga anahera o te rangi, kahore te Tama, ko te Matua anake.

Kia tupato, kia mataara, me te inoi ano: kahore hoki koutou e matau ki te wa, ko a hea ranei.

Рим.:13:11 1 Сол.:5:6

Ka rite hoki ki te tangata e haere ana ki tawhiti, mahue iho i a ia tona whare, a tukua iho e ia nga tikanga ki ana pononga, tana mahi ma tetahi, ma tetahi, ka whakahau iho hoki ki te kaitiaki tatau kia mataara.

Мат.:25:14

Ae ra, kia mataara: kahore hoki koutou e matau ki te wa e haere mai ai te rangatira o te whare, ko te ahiahi, ko waenganui po ranei, ko te tangihanga o te heihei, ko te atatu ranei:

2 Пет.:3:1 2 Пет.:3:10 Откр.:3:3

Kei puta whakarere mai, ka rokohanga koutou e ia e moe ana.

Na, ko taku ka mea atu nei ki a koutou, e meatia ana ano ki te katoa, Kia mataara.