Galatians

Galatians, Chapter 6

E oku teina, ahakoa ra i rokohanga te tangata e tetahi he, ma koutou, ma te hunga i te Wairua, e whakaara ake ia i runga i te wairua mahaki; me te titiro iho ano ki a koe, kei whakamatautauria hoki ko koe.

1 Кор.:2:15 1 Кор.:7:5 2 Сол.:3:15

Pikaua e tetahi nga whakataimaha o tetahi, hei whakarite i ta te Karaiti ture.

Јован:13:14 Дела:20:35 Рим.:15:1

Ki te mahara hoki tetahi tangata ki a ia ano he mea nui ia, i te mea he kore noa iho ia, e nuka ana ia ki a ia ano.

Рим.:12:3 2 Кор.:3:5 Гал.:2:6

Engari ma ia tangata e whakamatau tana ake mahi, ka ai ai he mea hei whakamanamanatanga mona ki tana anake, kahore ki ta tetahi atu.

Приче:14:10 Лука:18:11 2 Кор.:13:5

Ka riro hoki ma ia tangata e pikau tana kawenga.

Приче:14:10 Рим.:2:6

Ko te tangata e whakaakona ana ki te kupu, me whakawhiwhi e ia tona kaiwhakaako ki nga mea pai katoa.

Рим.:15:27

Kei whakapohehetia koutou; kahore te Atua e tinihangatia: ko ta te tangata hoki e rui ai, ko tena tana e kokoti ai.

Јов:13:9 Јер.:34:17 Лука:16:25 1 Кор.:6:9 2 Кор.:9:6

Ko te tangata hoki e rui ana, he whakaaro ki tona kikokiko, he pirau tana e kokoti ai o te kikokiko; ko te tangata ia e rui ana, he whakaaro ki te Wairua, ko te ora tonu tana e kokoti ai o te Wairua.

Јаков:3:18

A kaua tatou e ngakaukore ki te mahi i te pai: tena tona wa e rite ai ka kokoti tatou ki te kahore tatou e ngoikore.

Јест.:6:3 Мат.:24:13 2 Кор.:9:6 2 Сол.:3:13

Na reira, i te mea e whai takiwa ana tatou, kia mahi tatou i te pai ki nga tangata katoa, a tera noa ake ki te hunga o te whare o te whakapono.

Јован:9:4 Ефес:2:19 1 Тим.:6:18

Titiro ki te nui o nga reta e tuhituhi nei toku ringa ake ki a koutou.

Филим.:1:19

Ko te hunga e hiahia ana ko te ahua o te kikokiko kia pai, ko ratou hei mea i a koutou kia kotia; he mea kau kei whakatoria ratou mo te ripeka o te Karaiti.

Филиб.:3:18

Kahore hoki taua hunga i kotia ana e mau ki te ture; engari e hiahia ana kia kotia koutou, kia whakamanamana ai ratou ki to koutou kikokiko.

Ki ahau ia kaua rawa he whakamanamana, ko te ripeka anake o to tatou Ariki, o Ihu Karaiti, i ripekatia ai te ao ki ahau, me ahau hoki ki te ao.

Филиб.:3:3

Kahore he aha o te kotinga, kahore o te kotingakore, engari ko te mea hanga hou.

Рим.:2:28 1 Кор.:7:19 2 Кор.:5:17 Ефес:2:10

Na ko te hunga e haere ana i runga i tenei tikanga, kia tau te rangimarie me te mahi tohu ki a ratou, ki te Iharaira hoki a te Atua.

Псал.:73:1 Псал.:25:5 Гал.:3:7

A muri ake nei kaua tetahi e whakararuraru i ahau: e mau ana hoki ki toku tinana nga tohu a Ihu.

Кол.:1:24

E oku teina, kia tau te aroha noa o to tatou Ariki, o Ihu Karaiti, ki o koutou wairua. Amine.