1 Thessalonians

1 Thessalonians, Chapter 5

Ko nga wa ia me nga taima, e oku teina, kahore he take e tuhituhi atu ai ahau ki a koutou.

Мат.:24:3 Дела:1:7

E matau pu ana hoki koutou, tera e haere mai te ra o te Ariki, ano he tahae i te po.

Мат.:25:13 2 Пет.:3:10 Откр.:3:3

I a ratou hoki e ki ana, he rangimarie, he ora; ko reira te mate huaki tata ai ki a ratou, ka pera me te mamae ki te wahine hapu, e kore hoki ratou e mawhiti.

2 Мој:15:9 Псал.:73:18 Иса.:13:6 Иса.:13:8 Јер.:14:13 Дела:13:41

Ko koutou ia, e oku teina, kahore i roto i te pouri, e rite ai ki ta te tahae te hopu a taua ra i a koutou.

1 Јов.:2:8

He tama koutou katoa no te marama, he tama no te ra: ehara tatou i te po, ehara i te pouri.

Ефес:5:8

Heoi aua tatou e moe, kei pera me era atu; engari kia mataara tatou, kia whai whakaaro.

Мат.:25:5

Ko te hunga hoki e moe ana, e moe ana i te po; ko te hunga e haurangi ana, e haurangi ana i te po.

Лука:21:34 Дела:2:15

Kia whai whakaaro tatou, ko tatou nei te hunga o te ra, kia kakahuria iho te whakapono me te aroha hei pukupuku; hei potae hoki, ko te tumanako atu ki te ora.

Иса.:59:17 Рим.:13:12 Ефес:6:14

Kihai hoki tatou i meinga e te Atua mo te riri, engari kia whiwhi ai ki te ora ma roto i to tatou Ariki, i a Ihu Karaiti;

Рим.:9:22 1 Пет.:2:8

I mate nei mo tatou, ahakoa tatou mataara, moe ranei, kia ora tahi ai me ia.

Na, whakamarie koutou tetahi i tetahi, hanga hoki te pai o tetahi e tetahi, peratia me ta koutou e mea mai na.

He mea ia tenei na matou ki a koutou, e oku teina, kia matau ki te hunga e mahi ana i roto i a koutou, e tohutohu ana i a koutou i roto i te Ariki, e whakatupato ana i a koutou;

Плач:4:16 Филиб.:2:29

Kia nui whakaharahara ano o koutou whakaaro ki a ratou i runga i te aroha, me whakaaro ki ta ratou mahi. Kia mau ta koutou rongo ki a koutou ano.

Плач:4:16

Na ko ta matou whakahau tenei ki a koutou, e oku teina, whakatupatoria te hunga whakakeke, whakamarietia te hunga ngakau rahirahi, tautokona ake te hunga ngoikore, kia manawanui ki nga tangata katoa.

Kia tupato kei hoatu he kino mo te kino e tetahi ki tetahi; engari i nga wa katoa whaia he pai mo tetahi, mo tetahi, mo nga tangata katoa ano hoki.

3 Мој:19:18 Приче:20:22 Гал.:6:10

Kia hari i nga wa katoa.

Kei whakamutua te inoi.

Лука:18:1

I nga mea katoa me whakawhetai atu; ko ta te Atua hoki tenei i pai ai i roto i a Karaiti Ihu hei mahi ma koutou,

Kei tineia te Wairua.

Псал.:78:40 Иса.:63:10 1 Кор.:14:30 Ефес:4:30

Kaua e whakahawea atu ki nga poropititanga.

1 Кор.:14:1

Whakamatautauria nga mea katoa; kia u ki te pai;

Јов:34:4 Дан.:1:12 1 Јов.:4:1

Mawehe atu i nga ahua katoa o te kino.

2 Мој:23:7

A ma te Atua pu ano o te rangimarie e tino whakatapu rawa koutou: kia tiakina hoki o koutou wairua, o koutou ngakau, o koutou tinana, kia toitu, kia hekore, i te taenga mai o to tatou Ariki, o Ihu karaiti.

1 Кор.:1:8 Филиб.:4:9

He pono te kaikaranga i a koutou, mana ano hoki e whakaoti.

1 Кор.:10:13

E oku teina, inoi mo matou.

Oha atu ki nga teina katoa, hei te kihi tapu.

He tohe atu tenei naku ki a koutou i runga i te Ariki, kia korerotia tenei pukapuka ki nga teina tapu katoa.

Kia tau ki a koutou te aroha noa o to tatou Ariki, o Ihu Karaiti. Amine.