Evangelium secundum Mattheum

Secundum Mattheum 21

et cum adpropinquassent Hierosolymis et venissent Bethfage ad montem Oliveti tunc Iesus misit duos discipulos

dicens eis ite in castellum quod contra vos est et statim invenietis asinam alligatam et pullum cum ea solvite et adducite mihi

et si quis vobis aliquid dixerit dicite quia Dominus his opus habet et confestim dimittet eos

Псал.:24:1 2 Кор.:8:9

hoc autem factum est ut impleretur quod dictum est per prophetam dicentem

1 Цар:1:33 Иса.:62:11 Зах.:9:9

dicite filiae Sion ecce rex tuus venit tibi mansuetus et sedens super asinam et pullum filium subiugalis

euntes autem discipuli fecerunt sicut praecepit illis Iesus

Мар.:11:4 Лука:19:29

et adduxerunt asinam et pullum et inposuerunt super eis vestimenta sua et eum desuper sedere fecerunt

2 Цар:9:13 Мар.:11:7 Лука:19:35 Јован:12:14

plurima autem turba straverunt vestimenta sua in via alii autem caedebant ramos de arboribus et sternebant in via

3 Мој:23:40 Јован:12:13

turbae autem quae praecedebant et quae sequebantur clamabant dicentes osanna Filio David benedictus qui venturus est in nomine Domini osanna in altissimis

Псал.:18:25 Псал.:18:26 Мат.:22:42 Мат.:23:39 Мар.:12:35 Лука:13:35 Лука:18:38 Рим.:1:3

et cum intrasset Hierosolymam commota est universa civitas dicens quis est hic

Рута:1:19 Мат.:2:3 Мар.:11:15 Јован:12:13

populi autem dicebant hic est Iesus propheta a Nazareth Galilaeae

Мат.:2:23 Лука:7:16 Јован:7:40

et intravit Iesus in templum Dei et eiciebat omnes vendentes et ementes in templo et mensas nummulariorum et cathedras vendentium columbas evertit

5 Мој.:14:25 Мал.:3:1 Мар.:11:11 Јован:2:15

et dicit eis scriptum est domus mea domus orationis vocabitur vos autem fecistis eam speluncam latronum

Иса.:56:7 Јер.:7:11 Мар.:11:17 Лука:19:46

et accesserunt ad eum caeci et claudi in templo et sanavit eos

Иса.:35:5 Мат.:9:35 Дела:3:1

videntes autem principes sacerdotum et scribae mirabilia quae fecit et pueros clamantes in templo et dicentes osanna Filio David indignati sunt

Иса.:11:1

et dixerunt ei audis quid isti dicant Iesus autem dicit eis utique numquam legistis quia ex ore infantium et lactantium perfecisti laudem

Псал.:8:2 Мат.:11:25

et relictis illis abiit foras extra civitatem in Bethaniam ibique mansit

Мар.:11:11 Јован:11:18

mane autem revertens in civitatem esuriit

Мар.:11:12

et videns fici arborem unam secus viam venit ad eam et nihil invenit in ea nisi folia tantum et ait illi numquam ex te fructus nascatur in sempiternum et arefacta est continuo ficulnea

et videntes discipuli mirati sunt dicentes quomodo continuo aruit

respondens autem Iesus ait eis amen dico vobis si habueritis fidem et non haesitaveritis non solum de ficulnea facietis sed et si monti huic dixeritis tolle et iacta te in mare fiet

Мат.:17:20 Мар.:11:23 Лука:17:6 1 Кор.:13:2 Јаков:1:6

et omnia quaecumque petieritis in oratione credentes accipietis

Мат.:7:7 Мар.:11:24 Лука:11:9 Јаков:5:16 1 Јов.:3:22 1 Јов.:5:14

et cum venisset in templum accesserunt ad eum docentem principes sacerdotum et seniores populi dicentes in qua potestate haec facis et quis tibi dedit hanc potestatem

2 Мој:2:14 Мат.:4:7 Мат.:7:27 Мар.:11:27 Лука:20:1 Јован:1:25 Дела:4:7

respondens Iesus dixit illis interrogabo vos et ego unum sermonem quem si dixeritis mihi et ego vobis dicam in qua potestate haec facio

Јов:5:13

baptismum Iohannis unde erat e caelo an ex hominibus at illi cogitabant inter se dicentes si dixerimus e caelo dicet nobis quare ergo non credidistis illi

si autem dixerimus ex hominibus timemus turbam omnes enim habent Iohannem sicut prophetam

Мат.:14:5 Мар.:6:20 Лука:20:6 Јован:5:35 Јован:10:41

et respondentes Iesu dixerunt nescimus ait illis et ipse nec ego dico vobis in qua potestate haec facio

quid autem vobis videtur homo habebat duos filios et accedens ad primum dixit fili vade hodie operare in vinea mea

ille autem respondens ait nolo postea autem paenitentia motus abiit

accedens autem ad alterum dixit similiter at ille respondens ait eo domine et non ivit

quis ex duobus fecit voluntatem patris dicunt novissimus dicit illis Iesus amen dico vobis quia publicani et meretrices praecedunt vos in regno Dei

Лука:7:9 Лука:7:29

venit enim ad vos Iohannes in via iustitiae et non credidistis ei publicani autem et meretrices crediderunt ei vos autem videntes nec paenitentiam habuistis postea ut crederetis ei

Иса.:35:8 Лука:3:12

aliam parabolam audite homo erat pater familias qui plantavit vineam et sepem circumdedit ei et fodit in ea torcular et aedificavit turrem et locavit eam agricolis et peregre profectus est

Псал.:80:9 Пес.:8:11 Иса.:5:1 Јер.:2:21 Мат.:25:14 Мар.:12:1 Лука:20:9

cum autem tempus fructuum adpropinquasset misit servos suos ad agricolas ut acciperent fructus eius

Пес.:8:11

et agricolae adprehensis servis eius alium ceciderunt alium occiderunt alium vero lapidaverunt

2 Дн.:24:21 Нем.:9:26 Јер.:26:8 Мат.:23:34 Дела:7:52 1 Сол.:2:15 Јевр.:11:36

iterum misit alios servos plures prioribus et fecerunt illis similiter

Мат.:3:17 Мар.:12:6 Лука:20:13 Јован:1:18 Јован:1:34 Јован:3:16 Гал.:4:4 Јевр.:1:2

novissime autem misit ad eos filium suum dicens verebuntur filium meum

agricolae autem videntes filium dixerunt intra se hic est heres venite occidamus eum et habebimus hereditatem eius

2 Сам.:14:7 Псал.:2:2 Псал.:2:8 Јован:11:53 Дела:4:27

et adprehensum eum eiecerunt extra vineam et occiderunt

Дела:2:23

cum ergo venerit dominus vineae quid faciet agricolis illis

Иса.:5:3

aiunt illi malos male perdet et vineam locabit aliis agricolis qui reddant ei fructum temporibus suis

5 Мој.:4:26 Иса.:5:3 Лука:20:16 Лука:21:24 Дела:13:46 Рим.:9:1 Рим.:10:1 Рим.:11:1 Јевр.:2:3

dicit illis Iesus numquam legistis in scripturis lapidem quem reprobaverunt aedificantes hic factus est in caput anguli a Domino factum est istud et est mirabile in oculis nostris

Псал.:18:22 Иса.:28:16 Мар.:12:10 Дела:4:11 Ефес:2:20 1 Тим.:3:16 1 Пет.:2:6

ideo dico vobis quia auferetur a vobis regnum Dei et dabitur genti facienti fructus eius

Мат.:8:3 Мат.:8:12

et qui ceciderit super lapidem istum confringetur super quem vero ceciderit conteret eum

Псал.:2:9 Иса.:8:14 Иса.:60:12 Дан.:2:44 Зах.:12:3 Мат.:26:24 Лука:20:18

et cum audissent principes sacerdotum et Pharisaei parabolas eius cognoverunt quod de ipsis diceret

Мар.:11:17

et quaerentes eum tenere timuerunt turbas quoniam sicut prophetam eum habebant

Мар.:12:12 Јован:7:40