Evangelium secundum Marcum

Secundum Marcum 15

et confestim mane consilium facientes summi sacerdotes cum senioribus et scribis et universo concilio vincientes Iesum duxerunt et tradiderunt Pilato

Псал.:2:2 Дан.:6:7 Јован:18:28 Дела:3:13 Дела:4:26

et interrogavit eum Pilatus tu es rex Iudaeorum at ille respondens ait illi tu dicis

Мат.:2:2 Јован:18:29 Јован:18:33 1 Тим.:6:13

et accusabant eum summi sacerdotes in multis

1 Пет.:2:23

Pilatus autem rursum interrogavit eum dicens non respondes quicquam vide in quantis te accusant

Мат.:26:62 Јован:19:10

Iesus autem amplius nihil respondit ita ut miraretur Pilatus

Иса.:53:7 Јован:19:9

per diem autem festum dimittere solebat illis unum ex vinctis quemcumque petissent

Мат.:27:15 Лука:23:17 Јован:18:39

erat autem qui dicebatur Barabbas qui cum seditiosis erat vinctus qui in seditione fecerant homicidium

et cum ascendisset turba coepit rogare sicut semper faciebat illis

Pilatus autem respondit eis et dixit vultis dimittam vobis regem Iudaeorum

sciebat enim quod per invidiam tradidissent eum summi sacerdotes

Дела:7:9 Дела:7:51

pontifices autem concitaverunt turbam ut magis Barabban dimitteret eis

Мат.:27:20 Дела:3:14

Pilatus autem iterum respondens ait illis quid ergo vultis faciam regi Iudaeorum

Псал.:2:6 Иса.:9:6 Јер.:23:5 Мих.:5:2 Зах.:9:9

at illi iterum clamaverunt crucifige eum

Pilatus vero dicebat eis quid enim mali fecit at illi magis clamabant crucifige eum

Pilatus autem volens populo satisfacere dimisit illis Barabban et tradidit Iesum flagellis caesum ut crucifigeretur

Приче:29:25 Лука:23:24 Јован:19:1 Јован:19:16

milites autem duxerunt eum intro in atrium praetorii et convocant totam cohortem

Мат.:27:27

et induunt eum purpuram et inponunt ei plectentes spineam coronam

et coeperunt salutare eum have rex Iudaeorum

et percutiebant caput eius harundine et conspuebant eum et ponentes genua adorabant eum

et postquam inluserunt ei exuerunt illum purpuram et induerunt eum vestimentis suis et educunt illum ut crucifigerent eum

et angariaverunt praetereuntem quempiam Simonem Cyreneum venientem de villa patrem Alexandri et Rufi ut tolleret crucem eius

Мат.:27:32 Лука:23:26 Рим.:16:13

et perducunt illum in Golgotha locum quod est interpretatum Calvariae locus

Лука:23:33 Јован:19:17 Дела:7:58 Јевр.:13:12

et dabant ei bibere murratum vinum et non accepit

Псал.:69:21

et crucifigentes eum diviserunt vestimenta eius mittentes sortem super eis quis quid tolleret

Псал.:22:18 Јован:19:23

erat autem hora tertia et crucifixerunt eum

Мат.:27:45 Лука:23:44 Јован:19:14

et erat titulus causae eius inscriptus rex Iudaeorum

5 Мој.:23:5 Мат.:27:37 Јован:19:19

et cum eo crucifigunt duos latrones unum a dextris et alium a sinistris eius

et adimpleta est scriptura quae dicit et cum iniquis reputatus est

Иса.:53:12

et praetereuntes blasphemabant eum moventes capita sua et dicentes va qui destruit templum et in tribus diebus aedificat

Псал.:22:7 Псал.:35:15 Мар.:14:58 Јован:2:19

salvum fac temet ipsum descendens de cruce

similiter et summi sacerdotes ludentes ad alterutrum cum scribis dicebant alios salvos fecit se ipsum non potest salvum facere

Christus rex Israhel descendat nunc de cruce ut videamus et credamus et qui cum eo crucifixi erant conviciabantur ei

Мат.:27:43 1 Пет.:2:23

et facta hora sexta tenebrae factae sunt per totam terram usque in horam nonam

Лука:23:44

et hora nona exclamavit Iesus voce magna dicens Heloi Heloi lama sabacthani quod est interpretatum Deus meus Deus meus ut quid dereliquisti me

Псал.:22:1 Јевр.:5:7

et quidam de circumstantibus audientes dicebant ecce Heliam vocat

currens autem unus et implens spongiam aceto circumponensque calamo potum dabat ei dicens sinite videamus si veniat Helias ad deponendum eum

Псал.:69:21 Мат.:27:48 Јован:19:29

Iesus autem emissa voce magna exspiravit

Мат.:27:50 Лука:23:46 Јован:19:30

et velum templi scissum est in duo a sursum usque deorsum

2 Мој:26:31 Ефес:2:14 Јевр.:4:14 Јевр.:6:19 Јевр.:9:6 Јевр.:9:24 Јевр.:10:19

videns autem centurio qui ex adverso stabat quia sic clamans exspirasset ait vere homo hic Filius Dei erat

5 Мој.:32:31

erant autem et mulieres de longe aspicientes inter quas et Maria Magdalene et Maria Iacobi minoris et Ioseph mater et Salome

Псал.:38:11 Лука:23:49

et cum esset in Galilaea sequebantur eum et ministrabant ei et aliae multae quae simul cum eo ascenderant Hierosolyma

Лука:8:2 Дела:17:12

et cum iam sero esset factum quia erat parasceve quod est ante sabbatum

Мат.:27:57 Лука:23:50 Јован:19:38

venit Ioseph ab Arimathia nobilis decurio qui et ipse erat expectans regnum Dei et audacter introiit ad Pilatum et petiit corpus Iesu

Псал.:25:2 Псал.:27:14 Псал.:37:7 Псал.:37:34 Иса.:8:16 Иса.:30:18 Иса.:40:27 Иса.:64:4

Pilatus autem mirabatur si iam obisset et accersito centurione interrogavit eum si iam mortuus esset

et cum cognovisset a centurione donavit corpus Ioseph

Ioseph autem mercatus sindonem et deponens eum involvit sindone et posuit eum in monumento quod erat excisum de petra et advolvit lapidem ad ostium monumenti

Иса.:53:9 Јован:20:1

Maria autem Magdalene et Maria Ioseph aspiciebant ubi poneretur

Лука:23:55