Evangelium secundum Marcum

Secundum Marcum 2

et iterum intravit Capharnaum post dies

Мат.:9:1 Лука:5:18

et auditum est quod in domo esset et convenerunt multi ita ut non caperet neque ad ianuam et loquebatur eis verbum

Иса.:61:1 Мат.:5:2 Мар.:6:32 Лука:8:1 Ефес:2:17 Јевр.:2:3

et venerunt ferentes ad eum paralyticum qui a quattuor portabatur

Мар.:6:54

et cum non possent offerre eum illi prae turba nudaverunt tectum ubi erat et patefacientes submiserunt grabattum in quo paralyticus iacebat

cum vidisset autem Iesus fidem illorum ait paralytico fili dimittuntur tibi peccata

1 Мој:22:12 Псал.:3:3 Иса.:53:11 Лука:7:47 Јевр.:4:13

erant autem illic quidam de scribis sedentes et cogitantes in cordibus suis

quid hic sic loquitur blasphemat quis potest dimittere peccata nisi solus Deus

Јов:14:4 Псал.:30:4 Иса.:43:25 Рим.:8:33

quo statim cognito Iesus spiritu suo quia sic cogitarent intra se dicit illis quid ista cogitatis in cordibus vestris

1 Сам.:16:7 1 Дн.:29:17 Псал.:7:9 Псал.:39:1 Јер.:17:10 Мат.:9:4 Јевр.:4:13 Откр.:2:23

quid est facilius dicere paralytico dimittuntur tibi peccata an dicere surge et tolle grabattum tuum et ambula

Мат.:9:5 Лука:5:23

ut autem sciatis quia potestatem habet Filius hominis in terra dimittendi peccata ait paralytico

Иса.:53:11 Дан.:7:13

tibi dico surge tolle grabattum tuum et vade in domum tuam

Јован:5:9

et statim ille surrexit et sublato grabatto abiit coram omnibus ita ut admirarentur omnes et honorificarent Deum dicentes quia numquam sic vidimus

Псал.:33:9

et egressus est rursus ad mare omnisque turba veniebat ad eum et docebat eos

Мат.:9:9

et cum praeteriret vidit Levin Alphei sedentem ad teloneum et ait illi sequere me et surgens secutus est eum

Лука:5:27

et factum est cum accumberet in domo illius multi publicani et peccatores simul discumbebant cum Iesu et discipulis eius erant enim multi qui et sequebantur eum

et scribae et Pharisaei videntes quia manducaret cum peccatoribus et publicanis dicebant discipulis eius quare cum publicanis et peccatoribus manducat et bibit magister vester

Иса.:65:5

hoc audito Iesus ait illis non necesse habent sani medicum sed qui male habent non enim veni vocare iustos sed peccatores

Мат.:9:12 Мат.:18:11 Лука:5:31 Лука:15:7 Лука:19:10 1 Тим.:1:15

et erant discipuli Iohannis et Pharisaei ieiunantes et veniunt et dicunt illi cur discipuli Iohannis et Pharisaeorum ieiunant tui autem discipuli non ieiunant

Мат.:9:14 Лука:5:33

et ait illis Iesus numquid possunt filii nuptiarum quamdiu sponsus cum illis est ieiunare quanto tempore habent secum sponsum non possunt ieiunare

Псал.:45:1 Псал.:45:15 Пес.:1:4 Иса.:54:5 Мат.:22:2 Јован:3:29 2 Кор.:11:2 Ефес:5:25 Ефес:5:32 Откр.:19:7 Откр.:21:1

venient autem dies cum auferetur ab eis sponsus et tunc ieiunabunt in illa die

nemo adsumentum panni rudis adsuit vestimento veteri alioquin aufert supplementum novum a veteri et maior scissura fit

Лука:5:36

et nemo mittit vinum novellum in utres veteres alioquin disrumpet vinum utres et vinum effunditur et utres peribunt sed vinum novum in utres novos mitti debet

et factum est iterum cum sabbatis ambularet per sata et discipuli eius coeperunt praegredi et vellere spicas

5 Мој.:23:25 Мат.:12:1 Лука:6:1

Pharisaei autem dicebant ei ecce quid faciunt sabbatis quod non licet

et ait illis numquam legistis quid fecerit David quando necessitatem habuit et esuriit ipse et qui cum eo erant

1 Сам.:21:6

quomodo introiit in domum Dei sub Abiathar principe sacerdotum et panes propositionis manducavit quos non licet manducare nisi sacerdotibus et dedit eis qui cum eo erant

2 Мој:25:30 2 Мој:29:32 3 Мој:24:9

et dicebat eis sabbatum propter hominem factum est et non homo propter sabbatum

itaque dominus est Filius hominis etiam sabbati

Мат.:12:8 Ефес:1:20 1 Пет.:3:22