Evangelium secundum Lucam

Secundum Lucam 15

erant autem adpropinquantes ei publicani et peccatores ut audirent illum

Језек.:18:23 Мат.:9:10 Мар.:2:15 Лука:5:29 1 Тим.:1:15

et murmurabant Pharisaei et scribae dicentes quia hic peccatores recipit et manducat cum illis

Дела:11:3 Гал.:2:12

et ait ad illos parabolam istam dicens

quis ex vobis homo qui habet centum oves et si perdiderit unam ex illis nonne dimittit nonaginta novem in deserto et vadit ad illam quae perierat donec inveniat illam

Јер.:33:13 Мат.:18:12 1 Пет.:2:25

et cum invenerit eam inponit in umeros suos gaudens

et veniens domum convocat amicos et vicinos dicens illis congratulamini mihi quia inveni ovem meam quae perierat

1 Пет.:2:10

dico vobis quod ita gaudium erit in caelo super uno peccatore paenitentiam habente quam super nonaginta novem iustis qui non indigent paenitentia

Приче:30:12 Лука:5:32

aut quae mulier habens dragmas decem si perdiderit dragmam unam nonne accendit lucernam et everrit domum et quaerit diligenter donec inveniat

et cum invenerit convocat amicas et vicinas dicens congratulamini mihi quia inveni dragmam quam perdideram

ita dico vobis gaudium erit coram angelis Dei super uno peccatore paenitentiam agente

ait autem homo quidam habuit duos filios

et dixit adulescentior ex illis patri pater da mihi portionem substantiae quae me contingit et divisit illis substantiam

Мар.:12:44

et non post multos dies congregatis omnibus adulescentior filius peregre profectus est in regionem longinquam et ibi dissipavit substantiam suam vivendo luxuriose

Псал.:81:12 Јер.:2:5 Рим.:1:21

et postquam omnia consummasset facta est fames valida in regione illa et ipse coepit egere

et abiit et adhesit uni civium regionis illius et misit illum in villam suam ut pasceret porcos

Мат.:8:32

et cupiebat implere ventrem suum de siliquis quas porci manducabant et nemo illi dabat

in se autem reversus dixit quanti mercennarii patris mei abundant panibus ego autem hic fame pereo

Дан.:4:34

surgam et ibo ad patrem meum et dicam illi pater peccavi in caelum et coram te

3 Мој:26:40 1 Цар:8:47 2 Дн.:33:12 Јов:33:27 Псал.:25:11 Приче:28:13 Јер.:50:4 Јер.:50:6 Плач:3:40 Лука:15:21 Лука:18:13 1 Јов.:1:9

et iam non sum dignus vocari filius tuus fac me sicut unum de mercennariis tuis

Лука:7:7

et surgens venit ad patrem suum cum autem adhuc longe esset vidit illum pater ipsius et misericordia motus est et adcurrens cecidit supra collum eius et osculatus est illum

Иса.:49:15 Јона:3:10 Дела:2:39 Ефес:2:13

dixitque ei filius pater peccavi in caelum et coram te iam non sum dignus vocari filius tuus

Псал.:51:4 1 Кор.:8:12

dixit autem pater ad servos suos cito proferte stolam primam et induite illum et date anulum in manum eius et calciamenta in pedes

Псал.:45:13 Иса.:61:10 Гал.:3:27 Филиб.:3:8 Откр.:19:8

et adducite vitulum saginatum et occidite et manducemus et epulemur

quia hic filius meus mortuus erat et revixit perierat et inventus est et coeperunt epulari

Иса.:35:10 Рим.:6:13 Ефес:2:1 Кол.:1:13

erat autem filius eius senior in agro et cum veniret et adpropinquaret domui audivit symphoniam et chorum

et vocavit unum de servis et interrogavit quae haec essent

isque dixit illi frater tuus venit et occidit pater tuus vitulum saginatum quia salvum illum recepit

indignatus est autem et nolebat introire pater ergo illius egressus coepit rogare illum

Језек.:16:56 Јона:4:1 Дела:11:2

at ille respondens dixit patri suo ecce tot annis servio tibi et numquam mandatum tuum praeterii et numquam dedisti mihi hedum ut cum amicis meis epularer

Мат.:20:11 Рим.:7:9

sed postquam filius tuus hic qui devoravit substantiam suam cum meretricibus venit occidisti illi vitulum saginatum

at ipse dixit illi fili tu semper mecum es et omnia mea tua sunt

epulari autem et gaudere oportebat quia frater tuus hic mortuus erat et revixit perierat et inventus est

Рим.:15:9