Evangelium secundum Iohannem

Secundum Iohannem 15

ego sum vitis vera et Pater meus agricola est

omnem palmitem in me non ferentem fructum tollet eum et omnem qui fert fructum purgabit eum ut fructum plus adferat

Иса.:18:5 Мат.:15:13 Јевр.:6:8

iam vos mundi estis propter sermonem quem locutus sum vobis

Јован:13:10 Ефес:5:26 1 Пет.:1:22

manete in me et ego in vobis sicut palmes non potest ferre fructum a semet ipso nisi manserit in vite sic nec vos nisi in me manseritis

Ефес:2:21 Кол.:1:23 1 Јов.:2:6

ego sum vitis vos palmites qui manet in me et ego in eo hic fert fructum multum quia sine me nihil potestis facere

Приче:11:30 Ос.:14:8 Лука:13:6 Гал.:5:22 Филиб.:4:13

si quis in me non manserit mittetur foras sicut palmes et aruit et colligent eos et in ignem mittunt et ardent

Језек.:15:4 Мат.:3:10 Јевр.:6:4

si manseritis in me et verba mea in vobis manserint quodcumque volueritis petetis et fiet vobis

Псал.:21:2

in hoc clarificatus est Pater meus ut fructum plurimum adferatis et efficiamini mei discipuli

Мат.:5:16 Филиб.:1:11

sicut dilexit me Pater et ego dilexi vos manete in dilectione mea

si praecepta mea servaveritis manebitis in dilectione mea sicut et ego Patris mei praecepta servavi et maneo in eius dilectione

haec locutus sum vobis ut gaudium meum in vobis sit et gaudium vestrum impleatur

Јован:16:24 1 Јов.:1:4

hoc est praeceptum meum ut diligatis invicem sicut dilexi vos

Јован:15:17 1 Сол.:4:9 1 Пет.:4:8 1 Јов.:2:8

maiorem hac dilectionem nemo habet ut animam suam quis ponat pro amicis suis

Рим.:5:7 Ефес:5:2

vos amici mei estis si feceritis quae ego praecipio vobis

iam non dico vos servos quia servus nescit quid facit dominus eius vos autem dixi amicos quia omnia quaecumque audivi a Patre meo nota feci vobis

1 Мој:18:17 Мат.:13:11 Дела:20:27 Рим.:16:25

non vos me elegistis sed ego elegi vos et posui vos ut eatis et fructum adferatis et fructus vester maneat ut quodcumque petieritis Patrem in nomine meo det vobis

Мар.:16:15 Јован:13:18 1 Јов.:4:10

haec mando vobis ut diligatis invicem

si mundus vos odit scitote quia me priorem vobis odio habuit

Јер.:38:4 1 Јов.:3:13

si de mundo fuissetis mundus quod suum erat diligeret quia vero de mundo non estis sed ego elegi vos de mundo propterea odit vos mundus

Јован:17:14 1 Јов.:4:5

mementote sermonis mei quem ego dixi vobis non est servus maior domino suo si me persecuti sunt et vos persequentur si sermonem meum servaverunt et vestrum servabunt

Језек.:3:7

sed haec omnia facient vobis propter nomen meum quia nesciunt eum qui misit me

si non venissem et locutus fuissem eis peccatum non haberent nunc autem excusationem non habent de peccato suo

Језек.:2:5 Јован:9:41 Рим.:1:20

qui me odit et Patrem meum odit

1 Јов.:2:23

si opera non fecissem in eis quae nemo alius fecit peccatum non haberent nunc autem et viderunt et oderunt et me et Patrem meum

sed ut impleatur sermo qui in lege eorum scriptus est quia odio me habuerunt gratis

Псал.:35:19 Псал.:69:4

cum autem venerit paracletus quem ego mittam vobis a Patre Spiritum veritatis qui a Patre procedit ille testimonium perhibebit de me

Јован:14:26 Дела:1:4 1 Јов.:5:6

et vos testimonium perhibetis quia ab initio mecum estis

Лука:1:2 Јован:21:24 Дела:1:8 1 Пет.:5:1 2 Пет.:1:16