Evangelium secundum Iohannem

Secundum Iohannem 17

haec locutus est Iesus et sublevatis oculis in caelum dixit Pater venit hora clarifica Filium tuum ut Filius tuus clarificet te

sicut dedisti ei potestatem omnis carnis ut omne quod dedisti ei det eis vitam aeternam

Псал.:2:6 Дан.:7:14 Мат.:11:27 Лука:10:22 Јован:6:37 1 Кор.:15:25 Филиб.:2:10 Јевр.:2:8 Јевр.:2:13

haec est autem vita aeterna ut cognoscant te solum verum Deum et quem misisti Iesum Christum

Приче:8:35 Иса.:53:11 1 Кор.:8:4 1 Сол.:1:9

ego te clarificavi super terram opus consummavi quod dedisti mihi ut faciam

et nunc clarifica me tu Pater apud temet ipsum claritatem quam habui priusquam mundus esset apud te

Приче:8:23 Јован:1:1 Филиб.:2:6 Кол.:1:15 Јевр.:1:3

manifestavi nomen tuum hominibus quos dedisti mihi de mundo tui erant et mihi eos dedisti et sermonem tuum servaverunt

Псал.:22:22 Иса.:8:18

nunc cognoverunt quia omnia quae dedisti mihi abs te sunt

quia verba quae dedisti mihi dedi eis et ipsi acceperunt et cognoverunt vere quia a te exivi et crediderunt quia tu me misisti

ego pro eis rogo non pro mundo rogo sed pro his quos dedisti mihi quia tui sunt

1 Јов.:5:19

et mea omnia tua sunt et tua mea sunt et clarificatus sum in eis

Рим.:8:30

et iam non sum in mundo et hii in mundo sunt et ego ad te venio Pater sancte serva eos in nomine tuo quos dedisti mihi ut sint unum sicut et nos

Јован:10:30 1 Пет.:1:5

cum essem cum eis ego servabam eos in nomine tuo quos dedisti mihi custodivi et nemo ex his perivit nisi filius perditionis ut scriptura impleatur

Псал.:19:8 Псал.:41:9 Мат.:26:24 Јован:6:39 Јован:10:28 Јован:13:18 Јован:18:9 Дела:1:20 Јевр.:2:13 1 Јов.:2:19

nunc autem ad te venio et haec loquor in mundo ut habeant gaudium meum impletum in semet ipsis

ego dedi eis sermonem tuum et mundus odio eos habuit quia non sunt de mundo sicut et ego non sum de mundo

Јер.:38:4 1 Јов.:3:13

non rogo ut tollas eos de mundo sed ut serves eos ex malo

1 Кор.:5:10 Гал.:1:4 2 Сол.:3:3

de mundo non sunt sicut et ego non sum de mundo

sanctifica eos in veritate sermo tuus veritas est

sicut me misisti in mundum et ego misi eos in mundum

et pro eis ego sanctifico me ipsum ut sint et ipsi sanctificati in veritate

1 Кор.:1:30 1 Сол.:4:7 Јевр.:10:10

non pro his autem rogo tantum sed et pro eis qui credituri sunt per verbum eorum in me

ut omnes unum sint sicut tu Pater in me et ego in te ut et ipsi in nobis unum sint ut mundus credat quia tu me misisti

Јован:10:38 Филиб.:2:6 1 Јов.:5:7

et ego claritatem quam dedisti mihi dedi eis ut sint unum sicut nos unum sumus

1 Јов.:1:3

ego in eis et tu in me ut sint consummati in unum et cognoscat mundus quia tu me misisti et dilexisti eos sicut me dilexisti

Јован:10:38 Рим.:12:5 Гал.:3:28 Кол.:3:14 Јевр.:12:23

Pater quos dedisti mihi volo ut ubi ego sum et illi sint mecum ut videant claritatem meam quam dedisti mihi quia dilexisti me ante constitutionem mundi

1 Кор.:3:18 1 Сол.:4:17 1 Јов.:3:2

Pater iuste et mundus te non cognovit ego autem te cognovi et hii cognoverunt quia tu me misisti

et notum feci eis nomen tuum et notum faciam ut dilectio qua dilexisti me in ipsis sit et ego in ipsis

Ефес:3:17