Liber Actuum Apostolorum

Actus Apostolorum 20

postquam autem cessavit tumultus vocatis Paulus discipulis et exhortatus eos valedixit et profectus est ut iret in Macedoniam

1 Кор.:16:5 2 Кор.:7:5 1 Тим.:1:3

cum autem perambulasset partes illas et exhortatus eos fuisset multo sermone venit ad Graeciam

ubi cum fecisset menses tres factae sunt illi insidiae a Iudaeis navigaturo in Syriam habuitque consilium ut reverteretur per Macedoniam

Дела:9:23 Дела:23:20 2 Кор.:11:26

comitatus est autem eum Sopater Pyrri Beroensis Thessalonicensium vero Aristarchus et Secundus et Gaius Derbeus et Timotheus Asiani vero Tychicus et Trophimus

Дела:16:1 Дела:19:29 Дела:21:29 Дела:27:2 Рим.:16:21 Ефес:6:21 Кол.:4:7 Кол.:4:10 2 Тим.:4:12 2 Тим.:4:20 Титу:3:12

hii cum praecessissent sustinebant nos Troade

Дела:20:13

nos vero navigavimus post dies azymorum a Philippis et venimus ad eos Troadem in diebus quinque ubi demorati sumus diebus septem

2 Мој:12:14 2 Мој:23:15 Дела:16:18 1 Кор.:5:7 2 Кор.:2:12 2 Тим.:4:13

in una autem sabbati cum convenissemus ad frangendum panem Paulus disputabat eis profecturus in crastinum protraxitque sermonem usque in mediam noctem

Лука:22:19 Јован:20:1 Дела:2:42 1 Кор.:10:16 1 Кор.:16:2 Откр.:1:10

erant autem lampades copiosae in cenaculo ubi eramus congregati

Дела:1:13

sedens autem quidam adulescens nomine Eutychus super fenestram cum mergeretur somno gravi disputante diu Paulo eductus somno cecidit de tertio cenaculo deorsum et sublatus est mortuus

ad quem cum descendisset Paulus incubuit super eum et conplexus dixit nolite turbari anima enim ipsius in eo est

1 Цар:17:21 2 Цар:4:34 Мат.:9:24 Јован:11:40 Дела:9:40

ascendens autem frangensque panem et gustans satisque adlocutus usque in lucem sic profectus est

adduxerunt autem puerum viventem et consolati sunt non minime

nos autem ascendentes navem enavigavimus in Asson inde suscepturi Paulum sic enim disposuerat ipse per terram iter facturus

cum autem convenisset nos in Asson adsumpto eo venimus Mytilenen

et inde navigantes sequenti die venimus contra Chium et alia adplicuimus Samum et sequenti venimus Miletum

proposuerat enim Paulus transnavigare Ephesum ne qua mora illi fieret in Asia festinabat enim si possibile sibi esset ut diem pentecosten faceret Hierosolymis

Дела:2:1 Дела:21:4 Дела:21:12 Дела:24:17 1 Кор.:16:8

a Mileto autem mittens Ephesum vocavit maiores natu ecclesiae

Дела:20:15 1 Тим.:4:14

qui cum venissent ad eum et simul essent dixit eis vos scitis a prima die qua ingressus sum in Asiam qualiter vobiscum per omne tempus fuerim

Дела:18:19

serviens Domino cum omni humilitate et lacrimis et temptationibus quae mihi acciderunt ex insidiis Iudaeorum

quomodo nihil subtraxerim utilium quo minus adnuntiarem vobis et docerem vos publice et per domos

Јер.:42:4 Језек.:11:25 Дела:5:42

testificans Iudaeis atque gentilibus in Deum paenitentiam et fidem in Dominum nostrum Iesum Christum

Мар.:1:15 Лука:24:47 Дела:2:38 Дела:18:5 Рим.:2:4

et nunc ecce alligatus ego Spiritu vado in Hierusalem quae in ea eventura sint mihi ignorans

Дела:19:21

nisi quod Spiritus Sanctus per omnes civitates protestatur mihi dicens quoniam vincula et tribulationes me manent

Дела:9:16 Дела:21:4 Дела:21:11 Дела:21:33 1 Сол.:3:3 2 Тим.:2:12

sed nihil horum vereor nec facio animam pretiosiorem quam me dummodo consummem cursum meum et ministerium quod accepi a Domino Iesu testificari evangelium gratiae Dei

Дела:1:17 Дела:13:25 Рим.:8:35 1 Кор.:9:24 2 Кор.:4:1 2 Кор.:4:16 Гал.:1:1 2 Тим.:4:7 Титу:1:3

et nunc ecce ego scio quia amplius non videbitis faciem meam vos omnes per quos transivi praedicans regnum Dei

Рим.:15:23

quapropter contestor vos hodierna die quia mundus sum a sanguine omnium

Језек.:33:4 Језек.:33:9 2 Кор.:7:2 1 Сол.:2:10

non enim subterfugi quo minus adnuntiarem omne consilium Dei vobis

Јер.:26:2 Мат.:28:20 Лука:7:30 Јован:15:15 Дела:20:20 Ефес:1:11

adtendite vobis et universo gregi in quo vos Spiritus Sanctus posuit episcopos regere ecclesiam Dei quam adquisivit sanguine suo

Дела:13:2 1 Кор.:12:28 Ефес:1:7 Кол.:1:14 1 Тим.:4:14 1 Тим.:4:16 Јевр.:9:14 1 Пет.:1:19 1 Пет.:5:2 Откр.:5:9

ego scio quoniam intrabunt post discessionem meam lupi graves in vos non parcentes gregi

Језек.:34:8 Мат.:7:15 Филиб.:1:24 2 Пет.:2:1

et ex vobis ipsis exsurgent viri loquentes perversa ut abducant discipulos post se

Дела:5:37 1 Јов.:2:19

propter quod vigilate memoria retinentes quoniam per triennium nocte et die non cessavi cum lacrimis monens unumquemque vestrum

Дела:19:10

et nunc commendo vos Deo et verbo gratiae ipsius qui potens est aedificare et dare hereditatem in sanctificatis omnibus

Јован:17:17 Дела:9:31 Дела:14:23 Дела:26:18 Ефес:1:18 Кол.:3:24 Јевр.:9:15 Јевр.:13:9

argentum aut aurum aut vestem nullius concupivi

1 Сам.:12:3 Јов:6:22 1 Кор.:9:12 2 Кор.:7:2 2 Кор.:11:9

ipsi scitis quoniam ad ea quae mihi opus erant et his qui mecum sunt ministraverunt manus istae

Дела:18:3 Дела:19:22 1 Кор.:4:12 1 Сол.:2:9 2 Сол.:3:8

omnia ostendi vobis quoniam sic laborantes oportet suscipere infirmos ac meminisse verbi Domini Iesu quoniam ipse dixit beatius est magis dare quam accipere

Псал.:41:1 Приче:19:17 Мат.:10:8 Рим.:15:1 1 Кор.:9:12 2 Кор.:11:9 Ефес:4:28 1 Сол.:4:11 2 Сол.:3:8 Јевр.:13:1 Јевр.:13:3

et cum haec dixisset positis genibus suis cum omnibus illis oravit

magnus autem fletus factus est omnium et procumbentes super collum Pauli osculabantur eum

1 Мој:45:14

dolentes maxime in verbo quo dixerat quoniam amplius faciem eius non essent visuri et deducebant eum ad navem