Liber Actuum Apostolorum

Actus Apostolorum 5

vir autem quidam nomine Ananias cum Saffira uxore sua vendidit agrum

Ис.Н.:7:18

et fraudavit de pretio agri conscia uxore sua et adferens partem quandam ad pedes apostolorum posuit

Ис.Н.:7:1 Мал.:1:14 1 Тим.:6:10

dixit autem Petrus Anania cur temptavit Satanas cor tuum mentiri te Spiritui Sancto et fraudare de pretio agri

4 Мој.:30:3 5 Мој.:23:21 1 Цар:22:21 Проп.:5:4 Лука:22:3 Јаков:4:7

nonne manens tibi manebat et venundatum in tua erat potestate quare posuisti in corde tuo hanc rem non es mentitus hominibus sed Deo

audiens autem Ananias haec verba cecidit et exspiravit et factus est timor magnus in omnes qui audierant

4 Мој.:14:36

surgentes autem iuvenes amoverunt eum et efferentes sepelierunt

3 Мој:10:4 Јован:19:40

factum est autem quasi horarum trium spatium et uxor ipsius nesciens quod factum fuerat introiit

respondit autem ei Petrus dic mihi si tanti agrum vendidistis at illa dixit etiam tanti

Petrus autem ad eam quid utique convenit vobis temptare Spiritum Domini ecce pedes eorum qui sepelierunt virum tuum ad ostium et efferent te

5 Мој.:6:19 Псал.:95:9 Мат.:4:7 Лука:4:12 1 Кор.:10:9 Јевр.:3:8

confestim cecidit ante pedes eius et exspiravit intrantes autem iuvenes invenerunt illam mortuam et extulerunt et sepelierunt ad virum suum

et factus est timor magnus in universa ecclesia et in omnes qui audierunt haec

per manus autem apostolorum fiebant signa et prodigia multa in plebe et erant unianimiter omnes in porticu Salomonis

Мар.:16:15 Мар.:16:20 Дела:3:11 Дела:4:30 Дела:14:3 Рим.:15:18 1 Кор.:2:4 Јевр.:2:4

ceterorum autem nemo audebat coniungere se illis sed magnificabat eos populus

Јован:9:22 Дела:2:47

magis autem augebatur credentium in Domino multitudo virorum ac mulierum

ita ut in plateas eicerent infirmos et ponerent in lectulis et grabattis ut veniente Petro saltim umbra illius obumbraret quemquam eorum

Мат.:9:21 Мат.:14:36 Мар.:6:56 Дела:19:12

concurrebat autem et multitudo vicinarum civitatum Hierusalem adferentes aegros et vexatos ab spiritibus inmundis qui curabantur omnes

Мар.:16:17

exsurgens autem princeps sacerdotum et omnes qui cum illo erant quae est heresis Sadducaeorum repleti sunt zelo

Јован:11:47 Јован:12:10 Јован:12:19 Дела:4:1

et iniecerunt manus in apostolos et posuerunt illos in custodia publica

Лука:21:12

angelus autem Domini per noctem aperiens ianuas carceris et educens eos dixit

Псал.:34:7 Иса.:61:1 Дела:12:7 Дела:12:10 Дела:16:26 Јевр.:1:14

ite et stantes loquimini in templo plebi omnia verba vitae huius

Јер.:7:2 Мат.:21:23 Јован:6:68

qui cum audissent intraverunt diluculo in templum et docebant adveniens autem princeps sacerdotum et qui cum eo erant convocaverunt concilium et omnes seniores filiorum Israhel et miserunt in carcerem ut adducerentur

Дела:4:5

cum venissent autem ministri et aperto carcere non invenissent illos reversi nuntiaverunt

dicentes carcerem quidem invenimus clausum cum omni diligentia et custodes stantes ad ianuas aperientes autem neminem intus invenimus

ut audierunt autem hos sermones magistratus templi et principes sacerdotum ambigebant de illis quidnam fieret

Лука:22:4 Дела:4:1 Дела:5:26

adveniens autem quidam nuntiavit eis quia ecce viri quos posuistis in carcere sunt in templo stantes et docentes populum

tunc abiit magistratus cum ministris et adduxit illos sine vi timebant enim populum ne lapidarentur

Мат.:14:5 Лука:20:6 Дела:4:21

et cum adduxissent illos statuerunt in concilio et interrogavit eos princeps sacerdotum

dicens praecipiendo praecepimus vobis ne doceretis in nomine isto et ecce replestis Hierusalem doctrina vestra et vultis inducere super nos sanguinem hominis istius

Мат.:23:35 Дела:2:23 Дела:3:15 Дела:4:18

respondens autem Petrus et apostoli dixerunt oboedire oportet Deo magis quam hominibus

Гал.:1:10

Deus patrum nostrorum suscitavit Iesum quem vos interemistis suspendentes in ligno

Дела:10:39 Дела:22:14

hunc Deus principem et salvatorem exaltavit dextera sua ad dandam paenitentiam Israhel et remissionem peccatorum

Иса.:9:6 Дан.:9:25 Мат.:1:21 Дела:2:33 Дела:3:15 Ефес:1:7 Филиб.:2:9 Кол.:1:14 Јевр.:2:10 Откр.:1:5

et nos sumus testes horum verborum et Spiritus Sanctus quem dedit Deus omnibus oboedientibus sibi

Јован:15:26

haec cum audissent dissecabantur et cogitabant interficere illos

surgens autem quidam in concilio Pharisaeus nomine Gamalihel legis doctor honorabilis universae plebi iussit foras ad breve homines fieri

Дела:22:3

dixitque ad illos viri israhelitae adtendite vobis super hominibus istis quid acturi sitis

ante hos enim dies extitit Theodas dicens esse se aliquem cui consensit virorum numerus circiter quadringentorum qui occisus est et omnes quicumque credebant ei dissipati sunt et redactus est ad nihilum

Дела:21:38

post hunc extitit Iudas Galilaeus in diebus professionis et avertit populum post se et ipse periit et omnes quotquot consenserunt ei dispersi sunt

Лука:2:1 Лука:13:1

et nunc itaque dico vobis discedite ab hominibus istis et sinite illos quoniam si est ex hominibus consilium hoc aut opus dissolvetur

Псал.:27:1 Приче:21:30 Јер.:26:16 Мат.:15:13

si vero ex Deo est non poteritis dissolvere eos ne forte et Deo repugnare inveniamini consenserunt autem illi

1 Мој:24:50 2 Дн.:13:12 Приче:21:30 Мат.:16:18 Мат.:27:65 Дела:9:5 Дела:23:9 1 Кор.:1:25 Откр.:17:14

et convocantes apostolos caesis denuntiaverunt ne loquerentur in nomine Iesu et dimiserunt eos

Мат.:10:17 Мар.:13:9 Лука:20:10

et illi quidem ibant gaudentes a conspectu concilii quoniam digni habiti sunt pro nomine Iesu contumeliam pati

Мат.:5:12 Рим.:5:3 2 Кор.:12:10 Филиб.:1:29 Јевр.:10:34 1 Пет.:4:13

omni autem die in templo et circa domos non cessabant docentes et evangelizantes Christum Iesum