Liber Actuum Apostolorum



Actus Apostolorum 7


dixit autem princeps sacerdotum si haec ita se habent

Tweet thisPost on Facebook

qui ait viri fratres et patres audite Deus gloriae apparuit patri nostro Abraham cum esset in Mesopotamiam priusquam moraretur in Charram


et dixit ad illum exi de terra tua et de cognatione tua et veni in terram quam tibi monstravero


tunc exiit de terra Chaldeorum et habitavit in Charram et inde postquam mortuus est pater eius transtulit illum in terram istam in qua nunc vos habitatis


et non dedit illi hereditatem in ea nec passum pedis et repromisit dare illi eam in possessionem et semini eius post ipsum cum non haberet filium


locutus est autem Deus quia erit semen eius accola in terra aliena et servituti eos subicient et male tractabunt eos annis quadringentis


et gentem cui servierint iudicabo ego dixit Deus et post haec exibunt et deservient mihi in loco isto


et dedit illi testamentum circumcisionis et sic genuit Isaac et circumcidit eum die octava et Isaac Iacob et Iacob duodecim patriarchas


et patriarchae aemulantes Ioseph vendiderunt in Aegyptum et erat Deus cum eo


et eripuit eum ex omnibus tribulationibus eius et dedit ei gratiam et sapientiam in conspectu Pharaonis regis Aegypti et constituit eum praepositum super Aegyptum et super omnem domum suam


venit autem fames in universam Aegyptum et Chanaan et tribulatio magna et non inveniebant cibos patres nostri

Tweet thisPost on Facebook

cum audisset autem Iacob esse frumentum in Aegypto misit patres nostros primum


et in secundo cognitus est Ioseph a fratribus suis et manifestatum est Pharaoni genus eius


mittens autem Ioseph accersivit Iacob patrem suum et omnem cognationem in animabus septuaginta quinque


et descendit Iacob in Aegyptum et defunctus est ipse et patres nostri


et translati sunt in Sychem et positi sunt in sepulchro quod emit Abraham pretio argenti a filiis Emmor filii Sychem


cum adpropinquaret autem tempus repromissionis quam confessus erat Deus Abrahae crevit populus et multiplicatus est in Aegypto


quoadusque surrexit rex alius in Aegypto qui non sciebat Ioseph


hic circumveniens genus nostrum adflixit patres ut exponerent infantes suos ne vivificarentur

Tweet thisPost on Facebook

eodem tempore natus est Moses et fuit gratus Deo qui nutritus est tribus mensibus in domo patris sui


exposito autem illo sustulit eum filia Pharaonis et enutrivit eum sibi in filium

Tweet thisPost on Facebook

et eruditus est Moses omni sapientia Aegyptiorum et erat potens in verbis et in operibus suis


cum autem impleretur ei quadraginta annorum tempus ascendit in cor eius ut visitaret fratres suos filios Israhel


et cum vidisset quendam iniuriam patientem vindicavit illum et fecit ultionem ei qui iniuriam sustinebat percusso Aegyptio

Tweet thisPost on Facebook

existimabat autem intellegere fratres quoniam Deus per manum ipsius daret salutem illis at illi non intellexerunt

Tweet thisPost on Facebook

sequenti vero die apparuit illis litigantibus et reconciliabat eos in pacem dicens viri fratres estis ut quid nocetis alterutrum

Tweet thisPost on Facebook

qui autem iniuriam faciebat proximo reppulit eum dicens quis te constituit principem et iudicem super nos


numquid interficere me tu vis quemadmodum interfecisti heri Aegyptium

Tweet thisPost on Facebook

fugit autem Moses in verbo isto et factus est advena in terra Madiam ubi generavit filios duos


et expletis annis quadraginta apparuit illi in deserto montis Sina angelus in igne flammae rubi


Moses autem videns admiratus est visum et accedente illo ut consideraret facta est vox Domini

Tweet thisPost on Facebook

ego Deus patrum tuorum Deus Abraham et Deus Isaac et Deus Iacob tremefactus autem Moses non audebat considerare


dixit autem illi Dominus solve calciamentum pedum tuorum locus enim in quo stas terra sancta est


videns vidi adflictionem populi mei qui est in Aegypto et gemitum eorum audivi et descendi liberare eos et nunc veni et mittam te in Aegyptum

Tweet thisPost on Facebook

hunc Mosen quem negaverunt dicentes quis te constituit principem et iudicem hunc Deus principem et redemptorem misit cum manu angeli qui apparuit illi in rubo


hic eduxit illos faciens prodigia et signa in terra Aegypti et in Rubro mari et in deserto annis quadraginta

Tweet thisPost on Facebook