Epistula ad Corinthios II

Ad Corinthios II, 9

nam de ministerio quod fit in sanctos ex abundanti est mihi scribere vobis

scio enim promptum animum vestrum pro quo de vobis glorior apud Macedonas quoniam Achaia parata est ab anno praeterito et vestra aemulatio provocavit plurimos

2 Кор.:8:10 2 Кор.:8:19 2 Кор.:8:24

misi autem fratres ut ne quod gloriamur de vobis evacuetur in hac parte ut quemadmodum dixi parati sitis

2 Кор.:8:6 2 Кор.:8:17

ne cum venerint mecum Macedones et invenerint vos inparatos erubescamus nos ut non dicamus vos in hac substantia

2 Кор.:11:17

necessarium ergo existimavi rogare fratres ut praeveniant ad vos et praeparent repromissam benedictionem hanc paratam esse sic quasi benedictionem non quasi avaritiam

hoc autem qui parce seminat parce et metet et qui seminat in benedictionibus de benedictionibus et metet

Приче:11:24 Приче:19:17 Проп.:11:1 Проп.:11:6 Лука:6:38 Гал.:6:7 Гал.:6:9 Јевр.:6:10

unusquisque prout destinavit corde suo non ex tristitia aut ex necessitate hilarem enim datorem diligit Deus

2 Мој:25:2 5 Мој.:15:7 1 Дн.:29:17 Дела:20:35 Рим.:12:8 Филим.:1:14

potens est autem Deus omnem gratiam abundare facere in vobis ut in omnibus semper omnem sufficientiam habentes abundetis in omne opus bonum

Псал.:84:11 Приче:10:22 Мал.:3:10 Филиб.:4:19

sicut scriptum est dispersit dedit pauperibus iustitia eius manet in aeternum

Псал.:12:9

qui autem administrat semen seminanti et panem ad manducandum praestabit et multiplicabit semen vestrum et augebit incrementa frugum iustitiae vestrae

1 Мој:1:11 Иса.:55:10 Ос.:10:12 Мат.:6:1

ut in omnibus locupletati abundetis in omnem simplicitatem quae operatur per nos gratiarum actionem Deo

2 Кор.:4:15

quoniam ministerium huius officii non solum supplet ea quae desunt sanctis sed etiam abundat per multas gratiarum actiones in Domino

per probationem ministerii huius glorificantes Deum in oboedientia confessionis vestrae in evangelium Christi et simplicitate communicationis in illos et in omnes

Мат.:5:16 Јевр.:13:16

et ipsorum obsecratione pro vobis desiderantium vos propter eminentem gratiam Dei in vobis

gratias Deo super inenarrabili dono eius

Јаков:1:17