Epistula ad Galatas

Ad Galatas 2

deinde post annos quattuordecim iterum ascendi Hierosolyma cum Barnaba adsumpto et Tito

ascendi autem secundum revelationem et contuli cum illis evangelium quod praedico in gentibus seorsum autem his qui videbantur ne forte in vacuum currerem aut cucurrissem

Дела:15:2 Дела:19:21 1 Кор.:9:26 Филиб.:2:16 1 Сол.:3:5

sed neque Titus qui mecum erat cum esset gentilis conpulsus est circumcidi

1 Кор.:9:21

sed propter subintroductos falsos fratres qui subintroierunt explorare libertatem nostram quam habemus in Christo Iesu ut nos in servitutem redigerent

Јован:8:31 Јован:8:36 Гал.:3:25 Гал.:4:3 Гал.:4:9 1 Пет.:2:16

quibus neque ad horam cessimus subiectioni ut veritas evangelii permaneat apud vos

ab his autem qui videbantur esse aliquid quales aliquando fuerint nihil mea interest Deus personam hominis non accipit mihi enim qui videbantur nihil contulerunt

Дела:10:34 Рим.:2:11 2 Кор.:12:11 Гал.:6:3

sed e contra cum vidissent quod creditum est mihi evangelium praeputii sicut Petro circumcisionis

Дела:13:46 1 Сол.:2:4 1 Тим.:2:7

qui enim operatus est Petro in apostolatum circumcisionis operatus est et mihi inter gentes

Дела:9:15 Дела:13:2 Дела:15:1 Дела:22:21 Кол.:1:29

et cum cognovissent gratiam quae data est mihi Iacobus et Cephas et Iohannes qui videbantur columnae esse dextras dederunt mihi et Barnabae societatis ut nos in gentes ipsi autem in circumcisionem

Мат.:16:18 Рим.:1:5 Откр.:21:14

tantum ut pauperum memores essemus quod etiam sollicitus fui hoc ipsum facere

Дела:11:30

cum autem venisset Cephas Antiochiam in faciem ei restiti quia reprehensibilis erat

Дела:15:35

prius enim quam venirent quidam ab Iacobo cum gentibus edebat cum autem venissent subtrahebat et segregabat se timens eos qui ex circumcisione erant

Дела:10:28

et simulationi eius consenserunt ceteri Iudaei ita ut et Barnabas duceretur ab eis in illa simulatione

sed cum vidissem quod non recte ambularent ad veritatem evangelii dixi Cephae coram omnibus si tu cum Iudaeus sis gentiliter et non iudaice vivis quomodo gentes cogis iudaizare

Проп.:7:20 Дела:11:3 Гал.:2:5 1 Тим.:5:20

nos natura Iudaei et non ex gentibus peccatores

Мат.:9:11 Дела:15:10 Ефес:2:3

scientes autem quod non iustificatur homo ex operibus legis nisi per fidem Iesu Christi et nos in Christo Iesu credidimus ut iustificemur ex fide Christi et non ex operibus legis propter quod ex operibus legis non iustificabitur omnis caro

Псал.:43:2 Дела:13:38 Рим.:1:17 Рим.:8:3 1 Кор.:6:11 Јевр.:7:18

quod si quaerentes iustificari in Christo inventi sumus et ipsi peccatores numquid Christus peccati minister est absit

Рим.:15:8 1 Јов.:3:8

si enim quae destruxi haec iterum aedifico praevaricatorem me constituo

ego enim per legem legi mortuus sum ut Deo vivam Christo confixus sum cruci

Рим.:3:19 Рим.:6:14 Рим.:8:2 Рим.:14:7 1 Кор.:10:31 1 Сол.:5:10 Јевр.:9:14 1 Пет.:4:1 1 Пет.:4:6

vivo autem iam non ego vivit vero in me Christus quod autem nunc vivo in carne in fide vivo Filii Dei qui dilexit me et tradidit se ipsum pro me

Рим.:6:6 Рим.:14:7 2 Кор.:5:15

non abicio gratiam Dei si enim per legem iustitia ergo Christus gratis mortuus est

Јевр.:7:11