Epistula ad Ephesios

Ad Ephesios 2

et vos cum essetis mortui delictis et peccatis vestris

in quibus aliquando ambulastis secundum saeculum mundi huius secundum principem potestatis aeris huius spiritus qui nunc operatur in filios diffidentiae

Кол.:3:6 1 Јов.:5:19

in quibus et nos omnes aliquando conversati sumus in desideriis carnis nostrae facientes voluntates carnis et cogitationum et eramus natura filii irae sicut et ceteri

Псал.:51:5 Лука:15:21 Гал.:2:15 Гал.:5:16 Титу:3:3

Deus autem qui dives est in misericordia propter nimiam caritatem suam qua dilexit nos

Рим.:10:12

et cum essemus mortui peccatis convivificavit nos Christo gratia estis salvati

Рим.:5:6 Рим.:6:4

et conresuscitavit et consedere fecit in caelestibus in Christo Iesu

Ефес:3:10

ut ostenderet in saeculis supervenientibus abundantes divitias gratiae suae in bonitate super nos in Christo Iesu

gratia enim estis salvati per fidem et hoc non ex vobis Dei enim donum est

Мар.:9:24 Јован:6:44 Рим.:4:16 Филиб.:1:29

non ex operibus ut ne quis glorietur

Рим.:3:20 Рим.:3:27

ipsius enim sumus factura creati in Christo Iesu in operibus bonis quae praeparavit Deus ut in illis ambulemus

Иса.:43:7 Ефес:1:4

propter quod memores estote quod aliquando vos gentes in carne qui dicimini praeputium ab ea quae dicitur circumcisio in carne manufacta

Рим.:2:26 Рим.:2:28

quia eratis illo in tempore sine Christo alienati a conversatione Israhel et hospites testamentorum promissionis spem non habentes et sine Deo in mundo

Језек.:47:22 Јован:10:16 Рим.:9:4 Рим.:9:8 Рим.:11:17 Гал.:4:8 Кол.:1:21

nunc autem in Christo Iesu vos qui aliquando eratis longe facti estis prope in sanguine Christi

Језек.:37:19 Јован:10:16 Дела:10:28 1 Кор.:12:13 Гал.:3:28

ipse est enim pax nostra qui fecit utraque unum et medium parietem maceriae solvens inimicitiam in carne sua

Мих.:5:5 Мар.:15:38 Ефес:2:15

legem mandatorum decretis evacuans ut duos condat in semet ipsum in unum novum hominem faciens pacem

2 Кор.:5:17 Кол.:1:22

et reconciliet ambos in uno corpore Deo per crucem interficiens inimicitiam in semet ipso

Рим.:6:6 Гал.:2:20

et veniens evangelizavit pacem vobis qui longe fuistis et pacem his qui prope

Иса.:57:19

quoniam per ipsum habemus accessum ambo in uno Spiritu ad Patrem

ergo iam non estis hospites et advenae sed estis cives sanctorum et domestici Dei

Гал.:6:10

superaedificati super fundamentum apostolorum et prophetarum ipso summo angulari lapide Christo Iesu

Псал.:18:22 Зах.:6:12 Мат.:16:18 Мат.:21:42 1 Кор.:12:28 Откр.:3:12

in quo omnis aedificatio constructa crescit in templum sanctum in Domino

in quo et vos coaedificamini in habitaculum Dei in Spiritu

Јован:17:23