Epistula ad Ephesios

Ad Ephesios 4

obsecro itaque vos ego vinctus in Domino ut digne ambuletis vocatione qua vocati estis

Кол.:1:10

cum omni humilitate et mansuetudine cum patientia subportantes invicem in caritate

Гал.:5:22

solliciti servare unitatem spiritus in vinculo pacis

Јован:13:34

unum corpus et unus spiritus sicut vocati estis in una spe vocationis vestrae

Рим.:12:5 1 Кор.:12:4

unus Dominus una fides unum baptisma

1 Кор.:1:13 1 Кор.:8:6 Јевр.:6:6

unus Deus et Pater omnium qui super omnes et per omnia et in omnibus nobis

Псал.:83:18 Мал.:2:10 Рим.:11:36

unicuique autem nostrum data est gratia secundum mensuram donationis Christi

Рим.:12:3

propter quod dicit ascendens in altum captivam duxit captivitatem dedit dona hominibus

Псал.:68:18 Кол.:2:15

quod autem ascendit quid est nisi quia et descendit primum in inferiores partes terrae

Јован:3:13

qui descendit ipse est et qui ascendit super omnes caelos ut impleret omnia

Дела:1:9 Јевр.:4:14 Јевр.:7:26 Јевр.:8:1

et ipse dedit quosdam quidem apostolos quosdam autem prophetas alios vero evangelistas alios autem pastores et doctores

Ефес:2:20

ad consummationem sanctorum in opus ministerii in aedificationem corporis Christi

Рим.:14:19 1 Кор.:12:7 Ефес:1:23

donec occurramus omnes in unitatem fidei et agnitionis Filii Dei in virum perfectum in mensuram aetatis plenitudinis Christi

Кол.:2:2

ut iam non simus parvuli fluctuantes et circumferamur omni vento doctrinae in nequitia hominum in astutia ad circumventionem erroris

Мат.:11:7

veritatem autem facientes in caritate crescamus in illo per omnia qui est caput Christus

ex quo totum corpus conpactum et conexum per omnem iuncturam subministrationis secundum operationem in mensuram uniuscuiusque membri augmentum corporis facit in aedificationem sui in caritate

Кол.:2:19

hoc igitur dico et testificor in Domino ut iam non ambuletis sicut gentes ambulant in vanitate sensus sui

tenebris obscuratum habentes intellectum alienati a vita Dei per ignorantiam quae est in illis propter caecitatem cordis ipsorum

Иса.:25:7 Дела:26:18 Гал.:4:8 Ефес:2:12 1 Сол.:4:5

qui desperantes semet ipsos tradiderunt inpudicitiae in operationem inmunditiae omnis in avaritia

Рим.:1:24

vos autem non ita didicistis Christum

si tamen illum audistis et in ipso edocti estis sicut est veritas in Iesu

deponere vos secundum pristinam conversationem veterem hominem qui corrumpitur secundum desideria erroris

renovamini autem spiritu mentis vestrae

Рим.:8:6 1 Пет.:1:22

et induite novum hominem qui secundum Deum creatus est in iustitia et sanctitate veritatis

Гал.:3:27

propter quod deponentes mendacium loquimini veritatem unusquisque cum proximo suo quoniam sumus invicem membra

irascimini et nolite peccare sol non occidat super iracundiam vestram

nolite locum dare diabolo

Дела:5:3 Ефес:6:11 Ефес:6:16 Јаков:4:7

qui furabatur iam non furetur magis autem laboret operando manibus quod bonum est ut habeat unde tribuat necessitatem patienti

omnis sermo malus ex ore vestro non procedat sed si quis bonus ad aedificationem oportunitatis ut det gratiam audientibus

et nolite contristare Spiritum Sanctum Dei in quo signati estis in die redemptionis

Псал.:78:40 Иса.:63:10 Рим.:8:23

omnis amaritudo et ira et indignatio et clamor et blasphemia tollatur a vobis cum omni malitia

estote autem invicem benigni misericordes donantes invicem sicut et Deus in Christo donavit nobis