Epistula ad Colossenses

Paulus apostolus Christi Iesu per voluntatem Dei et Timotheus frater

his qui sunt Colossis sanctis et fidelibus fratribus in Christo Iesu gratia vobis et pax a Deo Patre nostro

Ефес:6:21

gratias agimus Deo et Patri Domini nostri Iesu Christi semper pro vobis orantes

audientes fidem vestram in Christo Iesu et dilectionem quam habetis in sanctos omnes

Ефес:1:15 Јевр.:6:10

propter spem quae reposita est vobis in caelis quam audistis in verbo veritatis evangelii

Мат.:5:12 1 Пет.:1:4

quod pervenit ad vos sicut et in universo mundo est et fructificat et crescit sicut in vobis ex ea die qua audistis et cognovistis gratiam Dei in veritate

Псал.:10:3 Мат.:24:14 Јован:15:16 Ефес:3:2 1 Пет.:5:12

sicut didicistis ab Epaphra carissimo conservo nostro qui est fidelis pro vobis minister Christi Iesu

Филим.:1:23

qui etiam manifestavit nobis dilectionem vestram in Spiritu

Рим.:15:30

ideo et nos ex qua die audivimus non cessamus pro vobis orantes et postulantes ut impleamini agnitione voluntatis eius in omni sapientia et intellectu spiritali

Рим.:12:2 Ефес:1:15

ut ambuletis digne Deo per omnia placentes in omni opere bono fructificantes et crescentes in scientia Dei

Јован:15:16 1 Сол.:2:12 1 Сол.:4:1

in omni virtute confortati secundum potentiam claritatis eius in omni patientia et longanimitate cum gaudio

Дела:5:41

gratias agentes Patri qui dignos nos fecit in partem sortis sanctorum in lumine

Рим.:8:17 Гал.:4:7 Ефес:5:20

qui eripuit nos de potestate tenebrarum et transtulit in regnum Filii dilectionis suae

Јевр.:2:14 2 Пет.:1:11

in quo habemus redemptionem remissionem peccatorum

qui est imago Dei invisibilis primogenitus omnis creaturae

Псал.:89:27 Јован:14:9 Јевр.:1:3 Откр.:3:14

quia in ipso condita sunt universa in caelis et in terra visibilia et invisibilia sive throni sive dominationes sive principatus sive potestates omnia per ipsum et in ipso creata sunt

Јован:1:3 Рим.:11:36 1 Пет.:3:22

et ipse est ante omnes et omnia in ipso constant

Јован:17:5

et ipse est caput corporis ecclesiae qui est principium primogenitus ex mortuis ut sit in omnibus ipse primatum tenens

Јован:11:25 Дела:26:23 Откр.:1:5

quia in ipso conplacuit omnem plenitudinem habitare

Мат.:28:18 Јован:1:16 Ефес:1:23

et per eum reconciliare omnia in ipsum pacificans per sanguinem crucis eius sive quae in terris sive quae in caelis sunt

et vos cum essetis aliquando alienati et inimici sensu in operibus malis

nunc autem reconciliavit in corpore carnis eius per mortem exhibere vos sanctos et inmaculatos et inreprehensibiles coram ipso

Ефес:2:15

si tamen permanetis in fide fundati et stabiles et inmobiles ab spe evangelii quod audistis quod praedicatum est in universa creatura quae sub caelo est cuius factus sum ego Paulus minister

Дела:16:5

qui nunc gaudeo in passionibus pro vobis et adimpleo ea quae desunt passionum Christi in carne mea pro corpore eius quod est ecclesia

Ефес:1:23 Филиб.:3:10

cuius factus sum ego minister secundum dispensationem Dei quae data est mihi in vos ut impleam verbum Dei

mysterium quod absconditum fuit a saeculis et generationibus nunc autem manifestatum est sanctis eius

Рим.:16:25

quibus voluit Deus notas facere divitias gloriae sacramenti huius in gentibus quod est Christus in vobis spes gloriae

1 Тим.:1:1

quem nos adnuntiamus corripientes omnem hominem et docentes omnem hominem in omni sapientia ut exhibeamus omnem hominem perfectum in Christo Iesu

in quo et laboro certando secundum operationem eius quam operatur in me in virtute

1 Кор.:12:6