Epistula ad Thessalonicenses II

Ad Thessalonicenses II, 2

rogamus autem vos fratres per adventum Domini nostri Iesu Christi et nostrae congregationis in ipsum

ut non cito moveamini a sensu neque terreamini neque per spiritum neque per sermonem neque per epistulam tamquam per nos quasi instet dies Domini

Лука:17:24 Лука:19:11 Лука:21:9 2 Сол.:2:15

ne quis vos seducat ullo modo quoniam nisi venerit discessio primum et revelatus fuerit homo peccati filius perditionis

Иса.:37:23 Дан.:7:25 Јован:17:12 2 Пет.:2:1 Откр.:9:20 Откр.:13:11

qui adversatur et extollitur supra omne quod dicitur Deus aut quod colitur ita ut in templo Dei sedeat ostendens se quia sit Deus

Иса.:14:13 Иса.:14:14 Језек.:28:2 Дан.:7:8 Дан.:7:25 Јован:10:34 Откр.:13:6

non retinetis quod cum adhuc essem apud vos haec dicebam vobis

et nunc quid detineat scitis ut reveletur in suo tempore

nam mysterium iam operatur iniquitatis tantum ut qui tenet nunc donec de medio fiat

1 Јов.:4:3 Откр.:17:5

et tunc revelabitur ille iniquus quem Dominus Iesus interficiet spiritu oris sui et destruet inlustratione adventus sui

Јов:4:9 Иса.:11:4 Дан.:7:10 Јевр.:10:27 Откр.:2:16

eum cuius est adventus secundum operationem Satanae in omni virtute et signis et prodigiis mendacibus

5 Мој.:13:1 Мат.:24:24 Јован:8:41 Откр.:13:13

et in omni seductione iniquitatis his qui pereunt eo quod caritatem veritatis non receperunt ut salvi fierent

Приче:4:6 Иса.:29:9 Лука:8:12 Јевр.:10:27 2 Пет.:3:7 Откр.:21:8

ideo mittit illis Deus operationem erroris ut credant mendacio

1 Цар:22:22 Језек.:14:9 Мат.:24:5 Рим.:1:24

ut iudicentur omnes qui non crediderunt veritati sed consenserunt iniquitati

nos autem debemus gratias agere Deo semper pro vobis fratres dilecti a Deo quod elegerit nos Deus primitias in salutem in sanctificatione Spiritus et fide veritatis

Филиб.:3:12

ad quod et vocavit vos per evangelium nostrum in adquisitionem gloriae Domini nostri Iesu Christi

itaque fratres state et tenete traditiones quas didicistis sive per sermonem sive per epistulam nostram

2 Сол.:3:6

ipse autem Dominus noster Iesus Christus et Deus et Pater noster qui dilexit nos et dedit consolationem aeternam et spem bonam in gratia

1 Јов.:4:10 Откр.:1:5

exhortetur corda vestra et confirmet in omni opere et sermone bono