Epistula ad Timotheum I

Ad Timotheum I, 5

seniorem ne increpaveris sed obsecra ut patrem iuvenes ut fratres

3 Мој:19:32

anus ut matres iuvenculas ut sorores in omni castitate

viduas honora quae vere viduae sunt

si qua autem vidua filios aut nepotes habet discant primum domum suam regere et mutuam vicem reddere parentibus hoc enim acceptum est coram Deo

Мат.:15:4 Ефес:6:1

quae autem vere vidua est et desolata speravit in Deum et instat obsecrationibus et orationibus nocte ac die

nam quae in deliciis est vivens mortua est

2 Тим.:3:6

et hoc praecipe ut inreprehensibiles sint

si quis autem suorum et maxime domesticorum curam non habet fidem negavit et est infideli deterior

2 Тим.:3:5

vidua eligatur non minus sexaginta annorum quae fuerit unius viri uxor

in operibus bonis testimonium habens si filios educavit si hospitio recepit si sanctorum pedes lavit si tribulationem patientibus subministravit si omne opus bonum subsecuta est

1 Мој:18:4 Лука:7:38 Дела:16:15

adulescentiores autem viduas devita cum enim luxuriatae fuerint in Christo nubere volunt

Откр.:18:3

habentes damnationem quia primam fidem irritam fecerunt

Јевр.:6:4 Јевр.:6:6

simul autem et otiosae discunt circumire domos non solum otiosae sed et verbosae et curiosae loquentes quae non oportet

Приче:7:11 2 Сол.:3:11

volo ergo iuveniores nubere filios procreare matres familias esse nullam occasionem dare adversario maledicti gratia

2 Сам.:12:13 Приче:31:27 Дан.:6:4 1 Кор.:7:9 1 Тим.:6:1

iam enim quaedam conversae sunt retro Satanan

si qua fidelis habet viduas subministret illis et non gravetur ecclesia ut his quae vere viduae sunt sufficiat

1 Мој:47:12 Мат.:15:4 1 Тим.:5:9

qui bene praesunt presbyteri duplici honore digni habeantur maxime qui laborant in verbo et doctrina

Плач:4:16 Рим.:12:8 Гал.:6:6 Филиб.:2:29

dicit enim scriptura non infrenabis os bovi trituranti et dignus operarius mercede sua

5 Мој.:24:14 5 Мој.:25:4 Лука:10:7

adversus presbyterum accusationem noli recipere nisi sub duobus et tribus testibus

peccantes coram omnibus argue ut et ceteri timorem habeant

5 Мој.:13:11 Титу:1:13

testor coram Deo et Christo Iesu et electis angelis ut haec custodias sine praeiudicio nihil faciens in aliam partem declinando

manus cito nemini inposueris neque communicaveris peccatis alienis te ipsum castum custodi

2 Сам.:22:24 Псал.:50:18 Лука:23:51 1 Тим.:4:14 2 Јов.:1:11

noli adhuc aquam bibere sed vino modico utere propter stomachum tuum et frequentes tuas infirmitates

quorundam hominum peccata manifesta sunt praecedentia ad iudicium quosdam autem et subsequuntur

similiter et facta bona manifesta sunt et quae aliter se habent abscondi non possunt

1 Пет.:3:8