Epistula ad Hebraeos

Ad Hebraeos 10

umbram enim habens lex bonorum futurorum non ipsam imaginem rerum per singulos annos hisdem ipsis hostiis quas offerunt indesinenter numquam potest accedentes perfectos facere

Кол.:2:17 Јевр.:7:11 Јевр.:8:5 Јевр.:9:11

alioquin non cessassent offerri ideo quod nullam haberent ultra conscientiam peccati cultores semel mundati

sed in ipsis commemoratio peccatorum per singulos annos fit

3 Мој:16:21 Јевр.:9:7

inpossibile enim est sanguine taurorum et hircorum auferri peccata

3 Мој:16:13 Дан.:9:27 Мих.:6:6 Јевр.:9:13

ideo ingrediens mundum dicit hostiam et oblationem noluisti corpus autem aptasti mihi

Псал.:40:6 Иса.:1:11 Јер.:6:20 Амос:5:21

holocaustomata et pro peccato non tibi placuit

tunc dixi ecce venio in capitulo libri scriptum est de me ut faciam Deus voluntatem tuam

superius dicens quia hostias et oblationes et holocaustomata et pro peccato noluisti nec placita sunt tibi quae secundum legem offeruntur

tunc dixit ecce venio ut faciam Deus voluntatem tuam aufert primum ut sequens statuat

in qua voluntate sanctificati sumus per oblationem corporis Christi Iesu in semel

Јован:17:19 Јевр.:13:12

et omnis quidem sacerdos praesto est cotidie ministrans et easdem saepe offerens hostias quae numquam possunt auferre peccata

4 Мој.:28:3 Јевр.:7:27

hic autem unam pro peccatis offerens hostiam in sempiternum sedit in dextera Dei

Кол.:3:1 Јевр.:1:3

de cetero expectans donec ponantur inimici eius scabillum pedum eius

Псал.:10:1 Дела:2:34 Јевр.:1:13

una enim oblatione consummavit in sempiternum sanctificatos

contestatur autem nos et Spiritus Sanctus postquam enim dixit

2 Пет.:1:21

hoc autem testamentum quod testabor ad illos post dies illos dicit Dominus dando leges meas in cordibus eorum et in mente eorum superscribam eas

Јер.:31:33

et peccatorum et iniquitatium eorum iam non recordabor amplius

ubi autem horum remissio iam non oblatio pro peccato

habentes itaque fratres fiduciam in introitu sanctorum in sanguine Christi

quam initiavit nobis viam novam et viventem per velamen id est carnem suam

Мат.:11:27 Мар.:15:38 Јован:10:9 Јевр.:9:8

et sacerdotem magnum super domum Dei

1 Тим.:3:15

accedamus cum vero corde in plenitudine fidei aspersi corda a conscientia mala et abluti corpus aqua munda

4 Мој.:19:13 Иса.:52:15 Језек.:36:25 Ефес:3:12 1 Јов.:3:21

teneamus spei nostrae confessionem indeclinabilem fidelis enim est qui repromisit

1 Кор.:1:9 1 Сол.:5:24 2 Сол.:3:3

et consideremus invicem in provocationem caritatis et bonorum operum

non deserentes collectionem nostram sicut est consuetudinis quibusdam sed consolantes et tanto magis quanto videritis adpropinquantem diem

Дела:2:42 Рим.:13:11 2 Пет.:3:9

voluntarie enim peccantibus nobis post acceptam notitiam veritatis iam non relinquitur pro peccatis hostia

4 Мој.:15:30 2 Пет.:2:20 1 Јов.:5:16

terribilis autem quaedam expectatio iudicii et ignis aemulatio quae consumptura est adversarios

Језек.:36:5

irritam quis faciens legem Mosi sine ulla miseratione duobus vel tribus testibus moritur

quanto magis putatis deteriora mereri supplicia qui Filium Dei conculcaverit et sanguinem testamenti pollutum duxerit in quo sanctificatus est et Spiritui gratiae contumeliam fecerit

Мат.:12:31 1 Кор.:11:27 1 Кор.:11:29

scimus enim qui dixit mihi vindictam ego reddam et iterum quia iudicabit Dominus populum suum

5 Мој.:32:35 Псал.:50:4

horrendum est incidere in manus Dei viventis

Иса.:33:14

rememoramini autem pristinos dies in quibus inluminati magnum certamen sustinuistis passionum

Гал.:3:4 Филиб.:1:29

et in altero quidem obprobriis et tribulationibus spectaculum facti in altero autem socii taliter conversantium effecti

Филиб.:1:7 1 Сол.:2:14

nam et vinctis conpassi estis et rapinam bonorum vestrorum cum gaudio suscepistis cognoscentes vos habere meliorem et manentem substantiam

Мат.:5:12

nolite itaque amittere confidentiam vestram quae magnam habet remunerationem

patientia enim vobis necessaria est ut voluntatem Dei facientes reportetis promissionem

Лука:21:19 Кол.:3:24 Јевр.:12:1

adhuc enim modicum quantulum qui venturus est veniet et non tardabit

Авак.:2:3 Лука:18:8

iustus autem meus ex fide vivit quod si subtraxerit se non placebit animae meae

nos autem non sumus subtractionis in perditionem sed fidei in adquisitionem animae