Epistula ad Hebraeos

Ad Hebraeos 13

caritas fraternitatis maneat

hospitalitatem nolite oblivisci per hanc enim latuerunt quidam angelis hospitio receptis

1 Мој:18:3 1 Мој:19:2 1 Мој:24:44 Мат.:25:35

mementote vinctorum tamquam simul vincti et laborantium tamquam et ipsi in corpore morantes

Мат.:25:36 Рим.:12:15

honorabile conubium in omnibus et torus inmaculatus fornicatores enim et adulteros iudicabit Deus

1 Кор.:7:38

sint mores sine avaritia contenti praesentibus ipse enim dixit non te deseram neque derelinquam

1 Мој:28:15 5 Мој.:31:6 5 Мој.:31:8 Ис.Н.:1:5 Псал.:37:25 Иса.:41:10 Иса.:41:17

ita ut confidenter dicamus Dominus mihi adiutor non timebo quid faciat mihi homo

Псал.:27:1

mementote praepositorum vestrorum qui vobis locuti sunt verbum Dei quorum intuentes exitum conversationis imitamini fidem

Iesus Christus heri et hodie ipse et in saecula

Јован:8:58 Ефес:4:5 Јевр.:1:12 Откр.:1:4

doctrinis variis et peregrinis nolite abduci optimum enim est gratia stabiliri cor non escis quae non profuerunt ambulantibus in eis

habemus altare de quo edere non habent potestatem qui tabernaculo deserviunt

1 Кор.:9:13

quorum enim animalium infertur sanguis pro peccato in sancta per pontificem horum corpora cremantur extra castra

2 Мој:29:14 3 Мој:4:11 Језек.:43:21

propter quod et Iesus ut sanctificaret per suum sanguinem populum extra portam passus est

Јован:19:17 Дела:7:58

exeamus igitur ad eum extra castra inproperium eius portantes

1 Пет.:4:14

non enim habemus hic manentem civitatem sed futuram inquirimus

Мих.:2:10

per ipsum ergo offeramus hostiam laudis semper Deo id est fructum labiorum confitentium nomini eius

3 Мој:7:12 Псал.:50:14 Иса.:57:19

beneficientiae autem et communionis nolite oblivisci talibus enim hostiis promeretur Deus

2 Кор.:9:13

oboedite praepositis vestris et subiacete eis ipsi enim pervigilant quasi rationem pro animabus vestris reddituri ut cum gaudio hoc faciant et non gementes hoc enim non expedit vobis

Језек.:3:17

orate pro nobis confidimus enim quia bonam conscientiam habemus in omnibus bene volentes conversari

amplius autem deprecor vos hoc facere ut quo celerius restituar vobis

Deus autem pacis qui eduxit de mortuis pastorem magnum ovium in sanguine testamenti aeterni Dominum nostrum Iesum

2 Мој:24:8 Иса.:40:11 Језек.:34:23 Зах.:9:11 Мат.:26:28 Лука:22:20 Јован:10:11

aptet vos in omni bono ut faciatis voluntatem eius faciens in vobis quod placeat coram se per Iesum Christum cui gloria in saecula saeculorum amen

Гал.:1:5

rogo autem vos fratres sufferatis verbum solacii etenim perpaucis scripsi vobis

cognoscite fratrem nostrum Timotheum dimissum cum quo si celerius venerit videbo vos

1 Сол.:3:2 1 Тим.:6:12

salutate omnes praepositos vestros et omnes sanctos salutant vos de Italia

gratia cum omnibus vobis amen