Epistula ad Hebraeos

Ad Hebraeos 6

quapropter intermittentes inchoationis Christi sermonem ad perfectionem feramur non rursum iacientes fundamentum paenitentiae ab operibus mortuis et fidei ad Deum

Филиб.:3:13

baptismatum doctrinae inpositionis quoque manuum ac resurrectionis mortuorum et iudicii aeterni

Дела:8:14 Дела:17:31 Дела:19:4 Дела:24:25

et hoc faciemus siquidem permiserit Deus

1 Кор.:4:19

inpossibile est enim eos qui semel sunt inluminati gustaverunt etiam donum caeleste et participes sunt facti Spiritus Sancti

Мат.:7:22 Мат.:12:32 Јован:4:10 Ефес:2:8 Јевр.:10:26 Јевр.:10:32 2 Пет.:2:20 1 Јов.:5:16

gustaverunt nihilominus bonum Dei verbum virtutesque saeculi venturi

et prolapsi sunt renovari rursus ad paenitentiam rursum crucifigentes sibimet ipsis Filium Dei et ostentui habentes

Јевр.:10:29

terra enim saepe venientem super se bibens imbrem et generans herbam oportunam illis a quibus colitur accipit benedictionem a Deo

1 Мој:1:11

proferens autem spinas ac tribulos reproba est et maledicto proxima cuius consummatio in conbustionem

confidimus autem de vobis dilectissimi meliora et viciniora saluti tametsi ita loquimur

non enim iniustus Deus ut obliviscatur operis vestri et dilectionis quam ostendistis in nomine ipsius qui ministrastis sanctis et ministratis

Мат.:10:42 Јован:13:20 Дела:10:32

cupimus autem unumquemque vestrum eandem ostentare sollicitudinem ad expletionem spei usque in finem

Кол.:2:2

ut non segnes efficiamini verum imitatores eorum qui fide et patientia hereditabunt promissiones

Јевр.:10:36

Abrahae namque promittens Deus quoniam neminem habuit per quem iuraret maiorem iuravit per semet ipsum

1 Мој:22:16

dicens nisi benedicens benedicam te et multiplicans multiplicabo te

et sic longanimiter ferens adeptus est repromissionem

homines enim per maiorem sui iurant et omnis controversiae eorum finis ad confirmationem est iuramentum

2 Мој:22:11

in quo abundantius volens Deus ostendere pollicitationis heredibus inmobilitatem consilii sui interposuit iusiurandum

Јов:23:13 Иса.:14:24 Рим.:11:29 Јевр.:11:9 Јаков:1:17

ut per duas res inmobiles quibus inpossibile est mentiri Deum fortissimum solacium habeamus qui confugimus ad tenendam propositam spem

1 Мој:7:7 Иса.:27:5 Јевр.:12:1

quam sicut anchoram habemus animae tutam ac firmam et incedentem usque in interiora velaminis

3 Мој:16:15 Псал.:30:7 Јевр.:9:7

ubi praecursor pro nobis introiit Iesus secundum ordinem Melchisedech pontifex factus in aeternum

Јован:14:2 Јевр.:4:14 Јевр.:8:1