Epistula ad Hebraeos

Ad Hebraeos 9

habuit quidem et prius iustificationes culturae et sanctum saeculare

2 Мој:25:8 2 Мој:39:33 3 Мој:4:6

tabernaculum enim factum est primum in quo inerant candelabra et mensa et propositio panum quae dicitur sancta

2 Мој:26:1 3 Мој:24:5

post velamentum autem secundum tabernaculum quod dicitur sancta sanctorum

2 Мој:40:3

aureum habens turibulum et arcam testamenti circumtectam ex omni parte auro in qua urna aurea habens manna et virga Aaron quae fronduerat et tabulae testamenti

2 Мој:16:33 2 Мој:25:16 4 Мој.:17:10 5 Мој.:10:2 5 Мој.:10:5

superque eam cherubin gloriae obumbrantia propitiatorium de quibus non est modo dicendum per singula

3 Мој:16:2

his vero ita conpositis in priori quidem tabernaculo semper introibant sacerdotes sacrificiorum officia consummantes

4 Мој.:28:3 Дан.:8:11 Јевр.:7:11

in secundo autem semel in anno solus pontifex non sine sanguine quem offert pro sua et populi ignorantia

2 Мој:30:10 3 Мој:16:2 Јевр.:7:11

hoc significante Spiritu Sancto nondum propalatam esse sanctorum viam adhuc priore tabernaculo habente statum

Јован:14:6 Јевр.:10:19 Јевр.:10:20

quae parabola est temporis instantis iuxta quam munera et hostiae offeruntur quae non possunt iuxta conscientiam perfectum facere servientem

Гал.:3:21

solummodo in cibis et in potibus et variis baptismis et iustitiis carnis usque ad tempus correctionis inpositis

3 Мој:11:25 4 Мој.:19:7 2 Дн.:4:6 Рим.:14:17 Ефес:2:15 Јевр.:7:16

Christus autem adsistens pontifex futurorum bonorum per amplius et perfectius tabernaculum non manufactum id est non huius creationis

Јевр.:8:2 Јевр.:10:1

neque per sanguinem hircorum et vitulorum sed per proprium sanguinem introivit semel in sancta aeterna redemptione inventa

Дан.:9:24 Зах.:3:9 Откр.:1:5

si enim sanguis hircorum et taurorum et cinis vitulae aspersus inquinatos sanctificat ad emundationem carnis

3 Мој:4:35 3 Мој:8:11 4 Мој.:19:2 4 Мој.:19:9 Рим.:3:24

quanto magis sanguis Christi qui per Spiritum Sanctum semet ipsum obtulit inmaculatum Deo emundabit conscientiam vestram ab operibus mortuis ad serviendum Deo viventi

3 Мој:4:35 Лука:1:74 Рим.:1:4 Ефес:2:5 Јевр.:1:3 1 Пет.:3:18 1 Јов.:1:7

et ideo novi testamenti mediator est ut morte intercedente in redemptionem earum praevaricationum quae erant sub priore testamento repromissionem accipiant qui vocati sunt aeternae hereditatis

1 Тим.:2:5 Јевр.:3:1 1 Пет.:3:18

ubi enim testamentum mors necesse est intercedat testatoris

testamentum enim in mortuis confirmatum est alioquin nondum valet dum vivit qui testatus est

Гал.:3:15

unde ne primum quidem sine sanguine dedicatum est

2 Мој:24:6

lecto enim omni mandato legis a Mose universo populo accipiens sanguinem vitulorum et hircorum cum aqua et lana coccinea et hysopo ipsum quoque librum et omnem populum aspersit

2 Мој:24:5 3 Мој:14:4

dicens hic sanguis testamenti quod mandavit ad vos Deus

2 Мој:24:8 Мат.:26:28 Јевр.:13:20 1 Пет.:1:2

etiam tabernaculum et omnia vasa ministerii sanguine similiter aspersit

2 Мој:29:12 3 Мој:8:15

et omnia paene in sanguine mundantur secundum legem et sine sanguinis fusione non fit remissio

2 Мој:29:21 3 Мој:17:11

necesse est ergo exemplaria quidem caelestium his mundari ipsa autem caelestia melioribus hostiis quam istis

Јевр.:8:5

non enim in manufactis sanctis Iesus introiit exemplaria verorum sed in ipsum caelum ut appareat nunc vultui Dei pro nobis

2 Мој:28:29 Јевр.:6:20 Јевр.:7:25 1 Јов.:2:1

neque ut saepe offerat semet ipsum quemadmodum pontifex intrat in sancta per singulos annos in sanguine alieno

alioquin oportebat eum frequenter pati ab origine mundi nunc autem semel in consummatione saeculorum ad destitutionem peccati per hostiam suam apparuit

1 Кор.:10:11 Гал.:4:4 Ефес:1:10 Јевр.:7:27

et quemadmodum statutum est hominibus semel mori post hoc autem iudicium

1 Мој:3:19 Проп.:3:20

sic et Christus semel oblatus ad multorum exhaurienda peccata secundo sine peccato apparebit expectantibus se in salutem

Мат.:25:34 Мат.:26:28 Јован:14:3 Рим.:6:10 1 Пет.:2:24 1 Јов.:3:5 Откр.:22:20