Epistula Iacobi

Epistula Iacobi 2

fratres mei nolite in personarum acceptione habere fidem Domini nostri Iesu Christi gloriae

3 Мој:19:15 5 Мој.:1:17 Приче:24:23 Мат.:22:16 Дела:7:2 1 Кор.:2:8 Филиб.:2:9 Јуда:1:16

etenim si introierit in conventu vestro vir aureum anulum habens in veste candida introierit autem et pauper in sordido habitu

Приче:19:4

et intendatis in eum qui indutus est veste praeclara et dixeritis tu sede hic bene pauperi autem dicatis tu sta illic aut sede sub scabillo pedum meorum

Мар.:12:39

nonne iudicatis apud vosmet ipsos et facti estis iudices cogitationum iniquarum

audite fratres mei dilectissimi nonne Deus elegit pauperes in hoc mundo divites in fide et heredes regni quod repromisit Deus diligentibus se

2 Мој:20:6 1 Сам.:2:30 Приче:8:17 Мат.:5:3 Лука:6:20 Јован:7:48

vos autem exhonorastis pauperem nonne divites per potentiam opprimunt vos et ipsi trahunt vos ad iudicia

Приче:18:23

nonne ipsi blasphemant bonum nomen quod invocatum est super vos

si tamen legem perficitis regalem secundum scripturas diliges proximum tuum sicut te ipsum bene facitis

3 Мој:19:18 Мат.:22:39

si autem personas accipitis peccatum operamini redarguti a lege quasi transgressores

quicumque autem totam legem servaverit offendat autem in uno factus est omnium reus

5 Мој.:27:26 Проп.:10:1 Мат.:5:19 Гал.:3:10

qui enim dixit non moechaberis dixit et non occides quod si non moechaberis occides autem factus es transgressor legis

2 Мој:20:13 5 Мој.:5:18 Мат.:19:18 Мар.:10:19

sic loquimini et sic facite sicut per legem libertatis incipientes iudicari

iudicium enim sine misericordia illi qui non fecit misericordiam superexultat autem misericordia iudicio

quid proderit fratres mei si fidem quis dicat se habere opera autem non habeat numquid poterit fides salvare eum

si autem frater aut soror nudi sunt et indigent victu cotidiano

dicat autem aliquis de vobis illis ite in pace calefacimini et saturamini non dederitis autem eis quae necessaria sunt corporis quid proderit

sic et fides si non habeat opera mortua est in semet ipsam

sed dicet quis tu fidem habes et ego opera habeo ostende mihi fidem tuam sine operibus et ego ostendam tibi ex operibus fidem meam

tu credis quoniam unus est Deus bene facis et daemones credunt et contremescunt

Мат.:8:29 Мар.:1:24 Лука:4:34 Дела:8:13 Дела:16:17

vis autem scire o homo inanis quoniam fides sine operibus otiosa est

Гал.:5:6

Abraham pater noster nonne ex operibus iustificatus est offerens Isaac filium suum super altare

1 Мој:22:9

vides quoniam fides cooperabatur operibus illius et ex operibus fides consummata est

et suppleta est scriptura dicens credidit Abraham Deo et reputatum est illi ad iustitiam et amicus Dei appellatus est

1 Мој:15:6 2 Дн.:20:7 Иса.:41:8 Рим.:4:3

videtis quoniam ex operibus iustificatur homo et non ex fide tantum

similiter autem et Raab meretrix nonne ex operibus iustificata est suscipiens nuntios et alia via eiciens

Ис.Н.:2:16 Јевр.:11:31

sicut enim corpus sine spiritu emortuum est ita et fides sine operibus mortua est