Epistula Iacobi

Epistula Iacobi 3

nolite plures magistri fieri fratres mei scientes quoniam maius iudicium sumitis

in multis enim offendimus omnes si quis in verbo non offendit hic perfectus est vir potens etiam freno circumducere totum corpus

1 Цар:8:46 Псал.:34:13 Приче:20:9 Проп.:7:20 Мат.:12:37 1 Пет.:3:10 1 Јов.:1:8

si autem equorum frenos in ora mittimus ad consentiendum nobis et omne corpus illorum circumferimus

ecce et naves cum magnae sint et a ventis validis minentur circumferuntur a modico gubernaculo ubi impetus dirigentis voluerit

ita et lingua modicum quidem membrum est et magna exultat ecce quantus ignis quam magnam silvam incendit

Јер.:14:15

et lingua ignis est universitas iniquitatis lingua constituitur in membris nostris quae maculat totum corpus et inflammat rotam nativitatis nostrae inflammata a gehenna

Псал.:57:4 Приче:26:20 Мат.:15:11 Мат.:15:18 Мар.:7:15 Мар.:7:20 Мар.:7:23

omnis enim natura bestiarum et volucrum et serpentium etiam ceterorum domantur et domita sunt a natura humana

linguam autem nullus hominum domare potest inquietum malum plena veneno mortifero

Приче:10:32

in ipsa benedicimus Dominum et Patrem et in ipsa maledicimus homines qui ad similitudinem Dei facti sunt

1 Мој:1:26 1 Кор.:11:7

ex ipso ore procedit benedictio et maledictio non oportet fratres mei haec ita fieri

Јер.:6:7

numquid fons de eodem foramine emanat dulcem et amaram aquam

numquid potest fratres mei ficus olivas facere aut vitis ficus sic neque salsa dulcem potest facere aquam

quis sapiens et disciplinatus inter vos ostendat ex bona conversatione operationem suam in mansuetudine sapientiae

Гал.:6:4

quod si zelum amarum habetis et contentiones in cordibus vestris nolite gloriari et mendaces esse adversus veritatem

Рим.:13:13

non est ista sapientia desursum descendens sed terrena animalis diabolica

Филиб.:3:19

ubi enim zelus et contentio ibi inconstantia et omne opus pravum

1 Кор.:3:3

quae autem desursum est sapientia primum quidem pudica est deinde pacifica modesta suadibilis plena misericordia et fructibus bonis non iudicans sine simulatione

1 Кор.:2:6 1 Пет.:1:22

fructus autem iustitiae in pace seminatur facientibus pacem

Мат.:5:9