Apocalypsis Iohannis Apostoli

apocalypsis Iesu Christi quam dedit illi Deus palam facere servis suis quae oportet fieri cito et significavit mittens per angelum suum servo suo Iohanni

Јован:12:49 Откр.:22:9 Откр.:22:16

qui testimonium perhibuit verbo Dei et testimonium Iesu Christi quaecumque vidit

1 Јов.:1:1 Откр.:12:17

beatus qui legit et qui audiunt verba prophetiae et servant ea quae in ea scripta sunt tempus enim prope est

Лука:11:28 Откр.:22:7 Откр.:22:10

Iohannes septem ecclesiis quae sunt in Asia gratia vobis et pax ab eo qui est et qui erat et qui venturus est et a septem spiritibus qui in conspectu throni eius sunt

2 Мој:3:14 Зах.:3:9 Јован:1:1 Јован:8:58 Кол.:1:17 Јаков:1:17 Откр.:3:1 Откр.:4:5

et ab Iesu Christo qui est testis fidelis primogenitus mortuorum et princeps regum terrae qui dilexit nos et lavit nos a peccatis nostris in sanguine suo

Јован:8:14 Јован:13:34 Ефес:1:20 Кол.:1:18 Јевр.:9:14

et fecit nostrum regnum sacerdotes Deo et Patri suo ipsi gloria et imperium in saecula saeculorum amen

Дан.:7:22 1 Тим.:6:16

ecce venit cum nubibus et videbit eum omnis oculus et qui eum pupugerunt et plangent se super eum omnes tribus terrae etiam amen

4 Мој.:24:17 Псал.:22:17 Дан.:7:13 Зах.:12:10 Зах.:12:11 Мат.:24:30

ego sum Alpha et Omega principium et finis dicit Dominus Deus qui est et qui erat et qui venturus est Omnipotens

Иса.:41:4

ego Iohannes frater vester et particeps in tribulatione et regno et patientia in Iesu fui in insula quae appellatur Patmos propter verbum Dei et testimonium Iesu

Мат.:20:23 Мар.:10:39 Рим.:8:17

fui in spiritu in dominica die et audivi post me vocem magnam tamquam tubae

Језек.:3:12 Дела:20:7 1 Кор.:16:2 2 Кор.:12:2 Откр.:4:1 Откр.:4:2

dicentis quod vides scribe in libro et mitte septem ecclesiis Ephesum et Zmyrnam et Pergamum et Thyatiram et Sardis et Philadelphiam et Laodiciam

Дела:16:14 Откр.:1:19

et conversus sum ut viderem vocem quae loquebatur mecum et conversus vidi septem candelabra aurea

2 Мој:25:37 Дан.:8:16 Зах.:4:2 Откр.:1:20

et in medio septem candelabrorum similem Filio hominis vestitum podere et praecinctum ad mamillas zonam auream

Језек.:1:26 Дан.:7:13 Дан.:10:5 Дан.:12:6 Откр.:2:1

caput autem eius et capilli erant candidi tamquam lana alba tamquam nix et oculi eius velut flamma ignis

Дан.:7:9 Дан.:10:6 Откр.:2:18

et pedes eius similes orichalco sicut in camino ardenti et vox illius tamquam vox aquarum multarum

Језек.:1:7 Језек.:1:24 Језек.:40:3 Језек.:43:2 Дан.:10:6 Дела:26:14 Откр.:10:1 Откр.:14:2

et habebat in dextera sua stellas septem et de ore eius gladius utraque parte acutus exiebat et facies eius sicut sol lucet in virtute sua

Дела:26:13 Ефес:6:17 Јевр.:4:12 Откр.:1:20 Откр.:2:12 Откр.:3:1

et cum vidissem eum cecidi ad pedes eius tamquam mortuus et posuit dexteram suam super me dicens noli timere ego sum primus et novissimus

Иса.:41:4 Иса.:44:6 Језек.:1:28 Дан.:8:18

et vivus et fui mortuus et ecce sum vivens in saecula saeculorum et habeo claves mortis et inferni

Псал.:68:20 Иса.:22:22 Мат.:16:19 Рим.:6:9 Откр.:3:7 Откр.:20:1

scribe ergo quae vidisti et quae sunt et quae oportet fieri post haec

Дан.:7:1

sacramentum septem stellarum quas vidisti in dextera mea et septem candelabra aurea septem stellae angeli sunt septem ecclesiarum et candelabra septem septem ecclesiae sunt

2 Мој:37:23 Мал.:2:7 Мат.:5:15 Филиб.:2:15