Apocalypsis Iohannis Apostoli

Apocalypsis Iohannis 17

et venit unus de septem angelis qui habebant septem fialas et locutus est mecum dicens veni ostendam tibi damnationem meretricis magnae quae sedet super aquas multas

Јер.:51:13 Језек.:31:4 Наум:3:4 2 Тим.:3:1 Откр.:15:1 Откр.:15:6 Откр.:16:1 Откр.:16:15 Откр.:18:1 Откр.:19:2 Откр.:21:9

cum qua fornicati sunt reges terrae et inebriati sunt qui inhabitant terram de vino prostitutionis eius

Иса.:23:17 Јер.:51:7 Откр.:18:3

et abstulit me in desertum in spiritu et vidi mulierem sedentem super bestiam coccineam plenam nominibus blasphemiae habentem capita septem et cornua decem

Откр.:1:10 Откр.:12:3 Откр.:12:6 Откр.:13:1 Откр.:21:10

et mulier erat circumdata purpura et coccino et inaurata auro et lapide pretioso et margaritis habens poculum aureum in manu sua plenum abominationum et inmunditia fornicationis eius

Јер.:51:7 Откр.:18:12

et in fronte eius nomen scriptum mysterium Babylon magna mater fornicationum et abominationum terrae

2 Сол.:2:7 Откр.:11:8 Откр.:18:9

et vidi mulierem ebriam de sanguine sanctorum et de sanguine martyrum Iesu et miratus sum cum vidissem illam admiratione magna

Дела:22:20 Откр.:6:9

et dixit mihi angelus quare miraris ego tibi dicam sacramentum mulieris et bestiae quae portat eam quae habet capita septem et decem cornua

bestiam quam vidisti fuit et non est et ascensura est de abysso et in interitum ibit et mirabuntur inhabitantes terram quorum non sunt scripta nomina in libro vitae a constitutione mundi videntes bestiam quia erat et non est

Откр.:9:1 Откр.:11:7 Откр.:13:3

et hic est sensus qui habet sapientiam septem capita septem montes sunt super quos mulier sedet et reges septem sunt

Псал.:7:43 Откр.:13:1 Откр.:13:18

quinque ceciderunt unus est alius nondum venit et cum venerit oportet illum breve tempus manere

et bestia quae erat et non est et ipsa octava est et de septem est et in interitum vadit

et decem cornua quae vidisti decem reges sunt qui regnum nondum acceperunt sed potestatem tamquam reges una hora accipiunt post bestiam

Дан.:7:20 Зах.:1:18 Откр.:12:3

hii unum consilium habent et virtutem et potestatem suam bestiae tradunt

Дан.:8:24 Рим.:8:7

hii cum agno pugnabunt et agnus vincet illos quoniam Dominus dominorum est et rex regum et qui cum illo sunt vocati et electi et fideles

Псал.:36:2 Дан.:8:25 1 Тим.:6:15 1 Пет.:2:9 Откр.:14:4 Откр.:16:14

et dixit mihi aquas quas vidisti ubi meretrix sedet populi sunt et gentes et linguae

Иса.:8:7 Језек.:31:4 Дан.:7:2 Откр.:11:9 Откр.:13:7

et decem cornua quae vidisti et bestiam hii odient fornicariam et desolatam facient illam et nudam et carnes eius manducabunt et ipsam igni concremabunt

Јер.:50:41 Језек.:16:37 Откр.:18:8

Deus enim dedit in corda eorum ut faciant quod illi placitum est ut dent regnum suum bestiae donec consummentur verba Dei

Дан.:8:24 Рим.:1:26 Откр.:10:7

et mulier quam vidisti est civitas magna quae habet regnum super reges terrae

Откр.:12:4 Откр.:16:19