Apocalypsis Iohannis Apostoli

Apocalypsis Iohannis 22

et ostendit mihi fluvium aquae vitae splendidum tamquam cristallum procedentem de sede Dei et agni

Псал.:36:8 Језек.:47:1 Зах.:14:8 Јован:7:38

in medio plateae eius et ex utraque parte fluminis lignum vitae adferens fructus duodecim per menses singula reddentia fructum suum et folia ligni ad sanitatem gentium

1 Мој:2:9 1 Мој:3:22 Откр.:2:7 Откр.:21:21 Откр.:21:24

et omne maledictum non erit amplius et sedes Dei et agni in illa erunt et servi eius servient illi

Псал.:16:11 Језек.:48:35 Зах.:14:11 Мат.:25:41 Откр.:7:15 Откр.:21:4

et videbunt faciem eius et nomen eius in frontibus eorum

Мат.:5:8 1 Кор.:13:12 1 Јов.:3:2 Откр.:3:12

et nox ultra non erit et non egebunt lumine lucernae neque lumine solis quoniam Dominus Deus inluminat illos et regnabunt in saecula saeculorum

Псал.:36:9 Псал.:84:11 Иса.:60:19 Дан.:7:27 Зах.:14:7 Рим.:5:17 2 Тим.:2:12 1 Пет.:1:3 Откр.:3:21

et dixit mihi haec verba fidelissima et vera sunt et Dominus Deus spirituum prophetarum misit angelum suum ostendere servis suis quae oportet fieri cito

Јевр.:1:1

et ecce venio velociter beatus qui custodit verba prophetiae libri huius

Откр.:22:18

et ego Iohannes qui audivi et vidi haec et postquam audissem et vidissem cecidi ut adorarem ante pedes angeli qui mihi haec ostendebat

Откр.:19:10

et dicit mihi vide ne feceris conservus tuus sum et fratrum tuorum prophetarum et eorum qui servant verba libri huius Deum adora

et dicit mihi ne signaveris verba prophetiae libri huius tempus enim prope est

Дан.:8:26 Дан.:12:4 Дан.:12:9

qui nocet noceat adhuc et qui in sordibus est sordescat adhuc et iustus iustitiam faciat adhuc et sanctus sanctificetur adhuc

Језек.:3:27 2 Тим.:3:13

ecce venio cito et merces mea mecum est reddere unicuique secundum opera sua

Иса.:40:10 Мат.:16:27 Рим.:2:6 Рим.:14:12

ego Alpha et Omega primus et novissimus principium et finis

Иса.:41:4 Иса.:44:6

beati qui lavant stolas suas ut sit potestas eorum in ligno vitae et portis intrent in civitatem

Дан.:12:12 Откр.:21:12

foris canes et venefici et inpudici et homicidae et idolis servientes et omnis qui amat et facit mendacium

Зах.:14:21

ego Iesus misi angelum meum testificari vobis haec in ecclesiis ego sum radix et genus David stella splendida et matutina

4 Мој.:24:17 Иса.:11:1 Јер.:23:5 Зах.:6:12 1 Пет.:3:22

et Spiritus et sponsa dicunt veni et qui audit dicat veni et qui sitit veniat qui vult accipiat aquam vitae gratis

Иса.:55:1 Јован:4:14 Јован:7:37 Откр.:21:6

contestor ego omni audienti verba prophetiae libri huius si quis adposuerit ad haec adponet Deus super illum plagas scriptas in libro isto

5 Мој.:4:2 5 Мој.:12:32 Приче:30:6

et si quis deminuerit de verbis libri prophetiae huius auferet Deus partem eius de ligno vitae et de civitate sancta et de his quae scripta sunt in libro isto

2 Мој:32:33

dicit qui testimonium perhibet istorum etiam venio cito amen veni Domine Iesu

Јевр.:9:28

gratia Domini nostri Iesu Christi cum omnibus